Acta Apostolicae Sedis - Commentarium Officiale212

Matriti iniit, deinde in Griñón transiit ac tandem in Puente de Vallecas.

Ardenti fide eminuit, fervida orationis vita atque amore erga Iesum in

Sanctissimo Sacramento. Comprehensus est et die 3 mensis Augusti anno

1936 martyrium subiit in Pradera de San Isidro.

Fr. Anastasius Petrus (in saeculo: Petrus Burch Cortecans), Gerundae

ortum habuit die 30 mensis Iunii anno 1869 ac perpetuam emisit pro-

fessionem anno 1897. Barcinone in opus educationis incubuit atque quaedam

etiam moderatus est collegia in diversis Hispaniae urbibus. Cum collegium

S. Raphaëlis Matriti dirigebat, post multos casus detectus est, detentus et

plumbis percussus in Fuencarral die 13 mensis Septembris anno 1936 mortem

oppetivit.

Fr. Vidal Ernestus (in saeculo: Ramirus Frı́as Garcı́a), in Villajimena die

13 mensis Martii anno 1906 natus, perpetua professus est vota anno 1931. In

Novitiatu Minore loci Bujedo docendi coepit munus ac, deinde, aliis in urbi-

bus: postrema eius sedes fuit collegium-academia Menéndez Pelayo in Paseo de

la Castellana. Fuit religiosus strictus in muneribus explendis, ipso quoque

tempore quo vixit absconditus. Recognitus uti religiosus, deductus est in

Checa de Formento atque mense Octobri anni 1936 in coemeterio Vicálvaro

plumbeis ictibus est interfectus.

Fr. Rogatianus (in saeculo: Ignatius González Calzada), in Terrazos de

Bureba (Burgi) die 29 mensis Iulii anno 1885 natus, perpetuis religiosis votis

anno 1915 se consecravit. Diversis in communitatibus vitam gessit, ab illa

Sacri Cordis in urbe Ierezensi ad illam Matriti-Peñuelas. Coqui officium

exercuit. Dum afferret cibaria in ludum pueritiae Claudio Coello, retentus

est atque veluti religiosus recognitus. Translatus in Aream Americae, die

22 mensis Iulii anno 1936 martyrio vitam profudit.

Propter horum martyrum famam, quae statim in ecclesialem com-

munitatem diffusa est, apud Curiam Archiepiscopalem Matritensem-Complu-

tensem a die 3 mensis Iulii anno 1960 ad diem 10 mensis Novembris anno

1967 Processus Ordinarius actus est, cuius iuridica validitas a Congregatione

de Causis Sanctorum per Decretum diei 23 mensis Octobris anno 1992 est

recognita. Apparata Positione, die 29 mensis Septembris anno 2009 habitus

est Congressus Peculiaris Consultorum Theologorum. Patres Cardinales et

Episcopi in Sessione Ordinaria die 18 mensis Octobris anno 2011, audita