Congregatio de Causis Sanctorum 209

1935. Fuit iuvenis alacer ingenio, oboediens, obsequens atque studiis admo-

dum dicatus. Tantummodo 19 aetatis annos agens necatus est.

Fr. Bartholomaeus Fanti Maria Andrés Vecilla, in Pajares de la Lampreana

(Zamorae) die 26 mensis Augusti anno 1917 natus, vota emisit anno 1935.

Sicut frater Angelus, in studiis socius, tantummodo 19 annos natus compre-

hensus est et occisus.

Fr. Angelus Maria Sánchez Rodrı́guez, in Pajares de la Lampreana

(Zamorae) die 2 mensis Augusti anno 1918 natus, temporaria nuncupavit

vota anno 1935. Iunior inter socios, interemptus est post annum a quo

vota pronuntiaverat.

Ad alterum martyrum manipulum sedecim pertinent Fratres Scholarum

Christianarum, qui diversis in adiunctis et temporibus sunt occisi. Eorum

dux considerari potest:

Fr. Augustinus Maria (in saeculo: Eugenius Garcı́a Tribaldos), in Vellisca

(Conchae) die 13 mensis Iulii anno 1877 natus, vota perpetua professus est

anno 1913. Apostolatum anno 1895 coepit, et in collegium Cóbreces translatus

die 24 mensis Iulii anno 1897, quasdam ob difficultates Institutum reliquit,

munus pergens docendi atque veluti optimum christianum se gerens. Octo

transactis annis, iterum Institutum ingressus est atque vota perpetua die

25 mensis Augusti anno 1913 professus est. Edocuit Vallisoleti, Bujedo et

Matriti, munus redactoris Eco de Belén adimplevit, moderatoris Procurae

Matritensis Griñón et domus editoriae Bruño. Stricte Regulam servavit,

habilis in docendo et efficax in rebus scribendis. Singulari prosecutus est

cultu Sanctissimum Sacramentum et Virginem Mariam, ad quam constanter

se vertebat per coronam precatoriam. Die 30 mensis Iulii anno 1936 milites

irruptionem fecerunt in domum ubi morabatur, duxerunt eum et ceteros

sex quos invenerunt in Pradera di San Isidro eosque manuballista neca-

verunt.

Sequuntur sex socii qui simul cum eo martyrii corona sunt honorati:

Fr. Anselmus Paulus (in saeculo: Michaël Solas del Val), in Briviesca

(Burgi) die 8 mensis Maii anno 1890 natus, perpetuam fecit professionem

anno 1919. Diversa munera exercuit docendi. Bonus et pius, in vita religiosa

diligentia eminuit in officiis adimplendis. Tempore quo occisus est vitam

gerebat in communitate Procurae Matritensis.