Acta Apostolicae Sedis - Commentarium Officiale218

videlicet quae tunc ad Imperium Russiae pertinebat quaeque tamen a Polo-

nis incolebatur. A iuventute vocationem ad vitam consecratam sentiebat, sed

hoc desiderium ob perdifficilem condicionem politicam et religiosam perficere

non potuit. Nam insurrectiones adversus Russorum regimen annis 1831 et

1863 atrocem provocaverunt auctoritatum politicarum reactionem adversus

catholicos, omnes libertatis conatus reprimentium. Publici custodes tum

adversus viros mulieresque consecratos tum adversus christifideles crudeliter

operabantur: monasteria exstinguebantur, bona confiscabantur et multi

expulsi sunt in exsilium vel deportati in Sibiriam.

Ex paucis notitiis quae de infantia Servae Dei habentur, novimus eam

parentibus esse orbatam dum adhuc infans esset; hanc ob rationem germana

soror eam curavit. Anno 1848 Tertio Ordini Franciscali nomen dedit atque

privata vota religiosa nuncupavit. Exemplum sequens sancti Francisci

Assisiensis, magna cum sobrietate vixit, indigentiores adiuvans et apostola-

tum suum abscondite exercens. Annis 1870-1873 peregrinationem in Terram

Sanctam fecit, in qua pauperes et aegrotantes curavit. In patriam reversa,

domicilium Varsaviae sibi constituit, quae etiam a Russis occupabatur, et

actuositatem caritativam prosecuta est et auxit.

Anno 1877 in oppido Zakroczym (prope Varsaviam) convenit Beatum

capuccinum Honoratum Koźmiński eiusque spiritali se concredidit modera-

mini, sua desideria quoad vitam religiosam ei aperiens suamque indefensio-

ribus sine condicione deditionem. Beatus consilium eius approbavit eamque

adhortatus est ut navitatem prosequebatur. Ab anno 1880 Serva Dei in

Zakroczym incoluit, in domicilio meritorio, in quo congregare anus pauperes

et aegrotantes coepit, de quibus magno cum amore sollicita erat. Caute valde

agire debebat ne suspiciones regiminis suscitaret; sine timore tamen divinam

secuta est vocationem quae eam ad plenam Deo invitabat deditionem totam-

que sui ipsius oblivionem. Eius exemplum contagiosum fuit et primae sociae

statim eam sequi coeperunt eamque imitari. Hoc modo, beato Honorato

iuvante, Serva Dei, etiamsi secreto, originem dedit novae Congregationi,

« Sorores Pauperum » appellatae, quae die 8 mensis Aprilis anni 1881 defini-

tivum nomen sumpsit: Congregatio Filiarum Beatae Virginis Mariae

Perdolentis - v. d. Serafitki.

Postea, Beato Honorato favente, Serva Dei, maiorem quaerens liberta-

tem, in Galiciam se contulit, quae tunc sub dominatione inveniebatur

Habsburgensi. Anno 1891, acceptis debitis licentiis ecclesiasticis et civilibus,

in loco v.d. Hałcnów, dioecesis Cracoviensis, Domum fundavit pro formandis