Acta Apostolicae Sedis - Commentarium Officiale190

Servus Dei Marianus Pina Turón, Sacerdos, vitam iniit in urbe Hı́jar,

provinciae Terulensis et archidioecesis Caesaraugustanae, die 13 mensis Apri-

lis anno 1867. Conventum loci El Olivar ingressus est ibidemque anno 1889

religiosis obstrictus est votis. Anno 1896 presbyter est ordinatus. Plures

per annos munus exercuit magistri noviciorum. Bonitate claruit, comitate,

caritate et stricta observantia conventuali. Die 8 mensis Augusti anno 1936

in oppido Muniesa martyrii cursum confecit.

Servus Dei Petrus Stephanus Hernández, Frater, natus est in urbe Hijar,

provinciae Terulensis, die 27 mensis Iunii 1869. Ingressus est in conventum

loci El Olivar ubi professus est anno 1891. Ad studia parum idoneus, ad

professionem acceptus est uti frater laicus, qui vires impendit, et quidem

cum peritia, in conventuali praedio colendo. Cotidianum communitatis

horarium adamussim implebat, praesertim momenta orationis. Saepe opem

ferebat propinquis gentibus in difficultatis tempore. Interemptus est die

15 mensis Septembris anno 1936.

Servus Dei Antonius Lahoz Gan, Frater, in vitae lucem editus est in urbe

Hı́jar, provinciae Terulensis, die 22 mensis Octobris anno 1858. Ingressus est

in conventum loci El Olivar ubi anno 1904 temporaria vota emisit. Indefati-

gabili animo curam adhibebat de rustico opere. Fidelem quoque se praebebat

horario communitatis, diutinas insumens horas in oratione sistendo et in

religiosis libris legendis. Martyrii palma coronatus est simul cum fratre Petro

Stephano Hernández die 15 mensis Septembris anno 1936.

Servus Dei Iosephus Trallero Lou, Frater, exsistentiam incepit in oppido

Oliete, prope locum El Olivar, die 28 mensis Decembris anno 1903. Anno 1926

religiosam fecit professionem. Hortum colebat, quem curabat ac si esset

viridarium. Frater quidam tribus verbis eum ita descripsit: oboedientem,

mortificatum, operosum. Eo quod blasphemiam proferre noluit, necatus est

die 5 mensis Augusti anno 1936.

Servus Dei Iacobus Codina Casellas, Frater, die 3 mensis Maii anno 1901

ortus est in oppido Aguilar de Segarra, provinciae Barcinonensis. Temporaria

vota nuncupavit anno 1927 in conventu El Olivar. Eucharistiam et Beatam

Virginem Mariam peculiari persequebatur cultu; strictum se gerebat in

observandis normis communitatis. Plurimas epistulas, spirituali doctrina

refertas, ad familiare scribere consueverat. Interemptus est die 5 mensis

Augusti anno 1936.