Acta Benedicti Pp. XVI 147

christianos aversabatur, dare noluerunt. Soror Margarita insimulata est eam

corrumpere et tardare sua civilis studii negligentia seditionarios reique

publicae studiosos militum animos, qui eius in valetudinario curabantur.

Seditionarius Comitatus accusationes veras putavit, qui ipsam patriae atque

rerum eversionis principiis inimicam declararunt. Capitis tandem est arcessi-

ta. Ludibrii causa cum Ioanne Eutropio Lannelongue presbytero, etiam mor-

te damnato, ligata, die IX mensis Aprilis anno MDCCXCIV patibuli supplicio

affecta est. Falsae accusationes, processus ac fides Ecclesiaque illusa sororis

Margaritae animum non fregerunt, quae ad mortem ivit hymnum Magnificat

cantans suamque totam Divino Sponso adhaesionem testans.

Continuata martyrii fama Venerabilis Dei Servae effecit ut Episcopus

Aturensis et Aquae Augustae Processum Informativum institueret, qui annis

MCMVII-MCMVIII effectus est. Postea annis MCMXVI-MCMXXI Processus Apostolicus

secutus est et exinde dioecesana Inquisitio annis MCMXCV-MCMXCVII est acta.

Congregatio de Causis Sanctorum per Decretum diei XVII mensis Octobris

anno MCMXCVIII iuridicam eius validitatem agnovit. Theologi Consultores, in

Congressione Peculiari die XVII mensis Aprilis coadunati, martyrio Venerabi-

lis Dei Servae sunt suffragati atque eadem fuit sententia Patrum Cardinalium

et Episcoporum in Sessione Ordinaria die I mensis Iunii anno MMX coaduna-

torum. Nos itaque Ipso die I mensis Iulii anno MMX facultatem fecimus ut

Congregatio de Causis Sanctorum super martyrio ederet Decretum atque

statuimus ut beatificationis ritus Aquae Augustae die XIX mensis Iunii anno

MMXI celebraretur.

Hodie igitur de mandato Nostro Venerabilis Frater Noster Angelus

S.R.E. Cardinalis Amato, S.D.B., Congregationis de Causis Sanctorum Prae-

fectus, textum Litterarum Apostolicarum legit, quibus Nos in Beatorum

numerum Venerabilem Dei Servam Margaritam Rutan adscribimus:

Nos, vota Fratris Nostri Philippi Ioannis Ludovici Breton, Episcopi Atu-

rensis et Aquae Augustae, necnon plurimorum aliorum Fratrum in Episco-

patu multorumque christifidelium explentes, de Congregationis de Causis

Sanctorum consulto, auctoritate Nostra Apostolica facultatem facimus ut

Venerabilis Serva Dei Margarita Rutan, virgo et martyr, sodalis Congrega-

tionis Sororum Filiarum a Caritate Sancti Vincentii de Paul, quae vitam

dicavit pauperum et aegrotantium ministerio, ac denique suum sanguinem

pro Christo effudit, Beatae nomine in posterum appelletur, eiusque festum

die vicesima sexta Iunii, qua in caelum est nata, in locis et modis iure statutis

quotannis celebrari possit. In nomine Patris et Filii et Spiritus Sancti.