Congregatio de Causis Sanctorum 197

Condicioni igitur nobilis mulieris renuntiavit atque privata nuncupavit reli-

giosa vota. Venetensem in urbem se transtulit ibique anno 1803 fundamenta

iecit Congregationis Sororum a Caritate S. Ludovici eo consilio ut puellas

derelictas curaret, illis infantibus parentibus orbatis adstaret, quos politicae

rei mutatio atque bella consectaria vexaverant, atque operam spiritalium

exercitationum animaret. Moderatrix ad vitam nominata est novae Congre-

gationis, nomen sibi imponens Matrem a Sancto Ludovico. Die 4 mensis

Martii anno 1825 pie in Domino obdormivit. Beatus Ioannes Paulus II eius

heroicas die 16 mensis Ianuarii anno 1986 recognovit virtutes.

Beatificationis intuitu, Postulatio Causae examini huius Congregationis

de Causis Sanctorum coniectam praebuit miram sanationem, intercessioni

Venerabilis Servae Dei tributam, domini Marcelli Lesage. Eventus Quebeci

in Canada inter dies 21 et 22 mensis Maii anno 1962 accidit. Dominus

Marcellus, sanae et firmae constitutionis, septemdecim annos natus, victima

cecidit ob vulnus distorti brachii sinistri, quod secutae sunt: ipsius inflatio,

alta febris atque impossibilitas prosequendi lignarii navitatem. Curationes in

irritum ceciderunt; immo, ob peculiarem semper graviorem ossis affectionem,

interventio chirurgica necessaria ducta est.

Iuvenis Marcellus ferventer Venerabilem Servam Dei invocavit. Soror

comitata est eum, scholae Sororum a Sancto Ludovico alumna, quae

magistram quandam rogavit ut pro eius fratre oraret ad artum incolumem

servandum. Aliae etiam alumnae huic communi se sociarunt invocationi.

Praeterea, dum in valetudinario adstaret, pars quaedam reliquiarum Vene-

rabilis Servae Dei super brachium infirmi posita est. Inopinate, imminente

iam interventione chirurgica, infirmus advertit brachium ad consuetam re-

diisse condicionem; descriptio medica evidenter mutata est cum variatione

signorum valetudinis, atque medicus chirurgus obstupuit ita ut interventum

iam ordinatum amputationis necessarium non existimaret.

Congruentia temporis evidens apparuit inter invocationem ad Servam Dei

nec non sanationem Marcelli Lasage, qui deinde fausta fruitus est valetudine,

et aptus exstitit ad laboriosam lignarii operam resumendam.

Eiusmodi sanatio, quae mira est habita, materia fuit Inquisitionis

dioecesanae apud Curiam ecclesiasticam Quebecensem a die 30 mensis

Aprilis ad diem 9 mensis Decembris anni 1986 instructae, cuius iuridica

validitas ab hac Congregatione de Causis Sanctorum per Decretum die 30

mensis Octobris anno 1987 est approbata. Acta Inquisitionis dioecesanae,

cum peritiis medicis et legalibus ex officio, aestimationi Coetus Medicorum