16 SCEPUSIEN.

Non aliter sentit uterque medicus. Ambo ultro conve- niunt Mariam Dulovics copulam habuisse perfectam atque completam, innixi consueto et ineluctabili fundamento, sci- licet absentiae hymenis, et revera ex hymenis absentia, de- florationem argui , res est compertissima; copulam autem fuisse completam, et matrimonium consummatum, S. Con- gregatio Concilii concludere consuescit. Iamvero cuinam ad- scribenda illa defloratio, et hymenis absentia, cuius nonnisi rudera remanent? certo aut Carolo, aut tertio. Sed adscri- bere tertio Mariae deflorationem, non audeo, nisi valida et robusta suppetant argumenta, quae illam ream adulterii ostendant. Maria enim levitatis et inconstantiae argui certo potest : etenim amore mota Carolo nupsit, pauloque post fer- vidus ille amor in corde conceptus in aversationem et insu- perabile odium conversus est. Levitas haec autem non eo usque in ea processit, ut tertio accesserit, remque cum eo inhonestam habuerit. Saltem nulla suppetunt argumenta, quibus huius criminis rea insimuletur et sit.

V O T U M C A N O N I S T A E . Non esse, ait consultor, hic causas pro decernenda dissolutione ex iustitia ultro concedimus. Licet enim de muliere in sententia viri dicatur « probabiliter non esse feminam perfectam », aliaque similia ; nihilominus emergentia ex peritorum inspectione, omnem auferunt hac super re dubitationem. Adesse vero causas pro eadem disso- lutione decernenda ex gratia, quis ibit inficias? Sunt hae: aversio animorum, impossibilitas reconciliationis, attentatum vitae viri ex. parte mulieris, periculum fidei et incontinentiae. Probavit consultor has graves adesse causas, per testium depositiones, per episcopi relationem ad coniugum confes- sionem.

Gradum faciens ad exquirendum an consummatum vel inconsummatum fuerit matrimonium in themate, ait , sese animo haerere an stet pro inconsummatione. Sane omnia extrinseca, ut ita dicam, adminicula eidem opinioni favere indubium est.

Vir enim ait : « ego volui consummare et uxori meae