18 SCEPUSIEN.

Inter eos autem, testes qui ad preces Matrimonii defen- soris, quinque numero, inducti sunt , est Susanna Bader quae adnotanda haec habet, et dicta essent a Maria paulo ante quam e Poprad discedens maritum pro semper relictura erat « posse se, si illum hodie relinqueret, ab eoque disce- deret, sertum seu coronam virginalem capiti suo apponere eo quod adhuc intacta sit virgo ».

Ex his omnibus non indifferens exurgere argumentum morale favore non consummationis matrimonii in casu, nemo non videt. Hoc autem urgente, nulla alia instituta inquisi- tione relaxatum fuisse aliquando a S. Sede matrimonii vin- culum docet Spondanus Annal. Eccles, an. 1599 et colli- gimus ex praxi S. O. Cong. in celebri Causa dissolutionis matrimonii rati et non consummati inter Sigismundum Tran- silvaniae principem et Mariam Austriae tempore Clemen- tis VIII, uti et in Frisingen. an. 1817, Gandaven. an. 1820, Gandaven. 17 Dec. 1843, Parisien. 28 Martii 1851 et 26 Iunii 18$5, Csanadien. 6 Iunii 1863 et nuperrime in Wiadislavien. 15 Iunii et 14 Dec. 1889.

Quid tamen cum adversus argumentum istud Physicorum peritorum obiiceretur iudicium? Praesumptionem, licet violen- tam, cedere debere veritati scimus 1. Si mulier ff. de Re. Du. et Can. Nec-aliqua Causa 27, q. 1, et Can. Dixit Do- minus, Causa 32, q. 1, et Can. Proposuisti He Probationibus. Hoc est quod videtur fieri in casu nostro. Et revera, iudi- cium tale Physicorum oggeritur, quod primo saltem intuitu causa finita esset, maxime ob pondus quod ei in his causis a DD. et Canonistis tribuitur. Cfr. De Luca De Iudiciis disc. 27, n. 20 ; Fuscum, Sánchez, aliosque.

Nihilominus si parumper iudicium idem expendatur, ali- quo substantiali defectu mihi ipsum iure meritoque insimu- l a t u m videtur. Defectus esset : ipsorum conclusionem magis patere quam praemissas ; non quatenus haec conclusio ab eis ferri non posset, sed quatenus revera non videtur in prae- missis contineri. En verba quibus idem iudicium pronunciatum Hymen nullus adest, et eiusdem tantum rudera sunt visi-