30 ROMANA

et culcitrae taxam funerisque supplementum, si praescriptum modum § 3 illud non attigerit, proprio parocho praestare te- nentur; » nihilominus minime infitiandum esset, articulo 10 quid veniat in Urbe nomine quartae aperte designari, atque in illius computatione quae a parocho S. Mariae in Aquiro exiguntur nequaquam comprehendi. Quae vero de consuetudine Romae vigenti nec non de responso Vicariatus asseruntur, attendenda minime viderentur cum compertissimum sit non •assertionibus, sed monumentis in iudiciis dimicandum esse.

Praeterea tueri forsan posset iuxta romani cleri statutum, diversimode quartam de omnibus emolumentis esse computan- dam pro casuum varietate, distinguendo scilicet num parocho debeatur, vel ab eo aliis ecclesiis solvenda sit. Huius vero •distinctionis fundamentum in pluries citato Cap. V, cire. fin. inveniri posset. Siquidem postquam ibi § 13, declaratum fuerit non pertinere ad funeris emolumenta libros, annulos, enses, vexilla, cruces et insignia ordinum vel dignitatum, quae cum cadavere deferuntur, additur in § 14 : «. Attamen quoties ab haeredibus ecclesiae eadem donentur, tunc si data fuerint pa- roeciae, integra eidem cedant, si vero tumulanti vel expo- nenti ecclesiae, cum paroecia dividantur. »

At dato etiam quod ecclesiis S. R. B. Cardinalium titu- laribus medietas omnium emolumentorum eadem prorsus ra- tione ac paroeciae debeatur, negari posset, quidquid sit de culcitra, hac voce emolumentorum minime ea intelligi quae pro indumentis sacris et sepultura exigi solent. Etenim si postrema pars statuti cleri inspiciatur, quae inscribitur « Emo- lumenti e tasse dei funerali, » erumpet profecto ea non emo- lumentorum sed taxarum voce designari. Sane ne congeram nimias citationes, sufficiat referre ibi articulos reperiri ita •enunciatus: « § 1. Emolumenti di cera. - § 2. Emolumento » di coltre. - § 3. Tasse per il diritto di sepoltura. - » § 4. Tassa degl'indumenti sacri. » Porro cum hic distinctio apertissima sit, colligitur ad rem non facere invocatum princi- pium: « ubi lex non distinguit, nec nos distinguere debemus. » Quinimo cum in materia funerum parochi iuris assistentiam