Congregatio de Causis Sanctorum 563

ACTA CONGREGATIONUM

CONGREGATIO DE CAUSIS SANCTORUM

TURRITANA

Beatificationis seu Declarationis Martyrii Servi Dei Francisci Zirano Sacerdotis

Professi Ordinis Fratrum Minorum Conventualium († 1603)

DECRETUM SUPER MARTYRIO

« Christianus sum atque sodalis patris mei sancti Francisci, et qua talis

mori desidero. Deum autem exoro ut corda vestra illuminet Illumque cog-

noscatis ».

Professio fidelitatis erga Christum usque ad mortem, a Servo Dei Fran-

cisco Zirano coram persecutoribus declarata, conclusio est terrenae vitae,

quam firma fide augiter duxit et in perfecta generosa fraterna caritate.

Servus Dei natus est Sacceri in Turritana dioecesi anno 1564 ab humili

agricolarum familia. Aetate sexdecim annorum emisit religiosam professio-

nem inter Fratres Minores Conventuales apud conventum Sanctae Mariae

de Bethlehem eiusdem civitatis, in qua franciscanum et theologicum cursum

institutionis perfecit et anno 1586 sacerdos ordinatus est.

Paucos post annos consobrinus Franciscus Serra, eiusdem Franciscalis

Ordinis sodalis et ad diaconatus ordinem iam promotus, a piratis algerien-

sibus in custodiam traditus atque in miserandam servitutem abductus est.

Omnibus conatibus ad illius liberationem frustra captis, pater Zirano a

Papa Clemente VIII prius expetiit obtinuitque facultatem emendicandi ne-

cessariam stipem ad eius liberationem obtinendam, posteaque proficiscendi

ut illum aliosque christianos a captivitate redimeret. In petenda facultate

emendicandi clare quoque patebat Servi Dei zelus missionarius. Non modo

eiusdem Francisci captivi frater consobrinus illius salutem anxie procurabat »

verum etiam « ne in aliquod fidei discrimen veniret ».