Acta Benedicti XVI Pp. 599

Fama martyrii Venerabilis Dei Servi premovit Episcopum Campitemplen-

sem ad dioecesanam Inquisitionem incohandam, qui processus est peractus

annis MMIV et MMV. Iuridicam huius processus validitatem agnovit Congregatio

de Causis Sanctorum per Decretum vulgatum die XIV mensis Martii anno

MMVIII. Die IV mensis Martii anno MMX habitus est Congressus Peculiaris

Consultorum Theologorum de martyrio Venerabilis Servi Dei, felici cum

exitu, quam sententiam Patres Cardinales et Episcopi congregati in Sessione

Ordinaria die XXI mensis Iunii anno MMXI affirmaverunt. Die XXVII mensis

Iunii anno MMXI Nos Ipsi iussimus ut Decretum super martyrio prodiret a

Congregatione de Causis Sanctorum. Statuimus exinde ut beatificationis ritus

Dornbirnae in Austria die XIII mensis Novembris vertentis anni celebraretur.

Hodie igitur, in urbe praedicta, de mandato Nostro Venerabilis Frater

Angelus S.R.E. Cardinalis Amato, Praefectus Congregationis de Causis San-

ctorum, textum Litterarum Apostolicarum legit, quibus Nos Venerabilem

Servum Dei Carolum Lampert in Beatorum numerum adscribimus:

Nos, vota Fratris Nostri Elmari Fischer, Episcopi Campitemplensis, nec-

non plurimorum aliorum Fratruum in Episcopatu, multorumque christifide-

lium explentes, de Congregationis de Causis Sanctorum consulto, auctoritate

Nostra Apostolica, facultatem facimus ut Venerabilis Servus Dei Carolus

Lampert, presbyter et martyr, intrepidus minister Evangelii, qui persecu-

tionem accepit et mortem ut Dominum Iesum confiteretur Ecclesiamque

defenderet, Beati nomine in posterum appelletur eiusque festum die decima

tertia mensis Novembris, qua in caelum ortus est, in locis et modis iure

statutis quotannis celebrari possit.

In nomine Patris et Filii et Spiritus Sancti.

Quae vero per has Litteras statuimus, ea firma sint in perpetuum, con-

trariis quibuslibet non obstantibus.

Datum Romae, apud Sanctum Petrum, die nona mensis Novembris, anno

Domini bismillesimo undecimo, Pontificatus Nostri septimo.

De mandato Summi Pontificis

c THARSICIUS card. BERTONE

Secretarius Status

Loco G Plumbi In Secret. Status tab., n. 195.967