582 Acta Apostolicæ Sedis - Commentarium Officiale

disceptatum est an Servorum Dei mors verum martyrium fuisset. Patres

Cardinales et Episcopi in Sessione Ordinaria die 7 mensis Maii anno 2013

habita, cui egomet ipse, Angelus Cardinalis Amato praefui, agnoverunt su-

pradictos Servos Dei ob fidelitatem erga Christum et Ecclesiam confessam

verum in odium fidei martyrium passos esse.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Chrysanthi, Aquilini, Cypriani Iosephi

et LXIII sociorum e Congregatione Fratrum Maristarum a Scholis atque duo-

rum Christifidelium Laicorum, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 3 mensis Iunii a. D. 2013.

ANGELUS CARD. AMATO, S.D.B. Praefectus

L. G S.

G MARCELLUS BARTOLUCCI Archiep. tit. Mevaniensis, a Secretis

AEGITANIENSIS

Beatificationis et Canonizationis Servi Dei Ioannis de Oliveira Matos Ferreira

Episcopi titularis Aureliopolitani in Lydia, Auxiliaris Aegitaniensis (1879-1962)

DECRETUM SUPER VIRTUTIBUS

« Quaecumque sunt vera, quaecumque pudica, quaecumque iusta, quae-

cumque casta, quaecumque amabilia, quaecumque bonae famae, si qua virtus

et si qua laus, haec cogitate » ( Phil 4, 8).

Haec, quae Apostolus ipse mandavit, universam conversationem Servi

Dei Ioannis de Oliveira Matos Ferreira informaverunt, qui in spatio vitae

suae viam sanctitatis fidenter ac perseveranter percurrit.