598 Acta Apostolicæ Sedis - Commentarium Officiale

rianam. Anno MCMXXXII doctoris gradum est adeptus et, Advocatus Rotalis

constitutus, titulum Praelati Honorarii obtinuit. Oenipontanam in urbem

reverso, munus ei commissum est Tribunal Ecclesiasticum Administrationis

Apostolicae instituendi, cuius officium erat causas nullitatis matrimonii in

prima instantia iudicare. Anno MCMXXXVIII, Episcopus Paulus Rusch, impedi-

tus ne Sedem occupparet, omnes res agendas admodum Reverendo Domino

Carolo Lampert commisit utpote Provicario Administrationis Apostolicae

necnon Tribunalis Canonici Praesidi. Quamobrem, cum multi haberent eum

magnae auctoritatis apud cunctam Administrationem Apostolicam Oeni-

pontanam, saepenumero coactus est resistere contractionibus quas regi-

men nationalis socialismi navitati Ecclesiae imponebat. Hanc ob conspicuam

eius repugnationem in nationalem socialismum, Venerabilis Servus Dei ter

comprehensus atque in carcerem inclusus est a vigilantibus Oenipontanis.

Tametsi liberatus, die XXV mensis Augusti anno MCMXL clam denuo est ap-

prehensus et in campum capti vis custodiendis Dachau inductus. Post aliquod

tempus in campo captivis custodiendis Arausionis Castri transactum, die XV

mensis Decembris eiusdem anni denuo ad campum Dachau est adlatus. Ex

campo captivis custodiendis liberatus die I mensis Augusti anno MCMXLI et de

Tirolia exiliatus, receptus est apud Sorores Sancti Caroli Borromeo Stettini,

ubi ministerium sacerdotale exercere et animas fìdelium moderari perrexit.

Die IV mensis Februarii anno MCMXLIII iterum comprehensus, Venerabilis

Dei Servus in carcerem Stettini est missus. Illic tecti vigiles incessanter

subiecerunt eum non solum interrogationibus sed crudelibus et immanibus

cruciatibus, tantummodo ut extorquerentur ab eo confessionem quorundam

criminum minime commissorum. Die XX mensis Decembris anno MCMXLIII, in

carcere Hallensi Saxonum, iniuste est iudicatus a Tribunali Militari Tertii

Regni de reatu « inimico favendi, milites subvertendi atque crimina contra

leges de transmissionibus radiophonicis committendi ». De huiusmodi rebus

accusatus, Servus Dei iuribus civilibus omnibusque suis bonis est orbatus et

ad mortem condemnatus. Alterum etiam processum ille passus est, in quo

accusatus est de occulta exploratione et denuo ad mortem est condemnatus.

Haec autem sententia est abrogata propter defectum formae processus. Die

tamen VIII mensis Septembris anno MCMXLIV capite damnatus est, quae quidem

sententia exacta est die XIII mensis Novembris anno MCMXLIV. Venerabilis

Dei Servus, simul cum aliis duobus sacerdotibus, Guillotina est plectus et

corpus sepultum est in sepulcreto Getraudenfriedhof prope Hallam Saxonum.