Acta Benedicti XVI Pp. 597

LITTERAE APOSTOLICAE

Venerabili Dei Servo Carolo Lampert Beatorum honores decernuntur.

BENEDICTUS PP. XVI

Ad perpetuam rei memoriam. - « Nunc consolationem et vires traho ex hoc versu Evangelico: 'Beati estis cum maledixerint vobis et persecuti

vos fuerint et dixerint omne malum adversum vos, mentientes, propter me.

Gaudete et exsultate, quoniam merces vestra copiosa est in caelis' ( Mt 5,

11). Cuneta sunt in manibus Dei, in Eo confido, volo adimplere voluntatem

Eius et paratus sum ad id faciendum usque ad finem! ».

Haec verba, in epistula ad fratrem die IX mensis Septembris anno MCMXLIV

scripta, palam testantur fortitudinem fidei catholicae Venerabilis Servi Dei

Caroli Lampert. Ipse enim sciebat ab initio se moriturum esse ob suam op-

positionem contra res politicas antichristianas Partis Nationalis Socialistae.

Attamen ille numquam animo defecit. Fortissimus et fidelis erga Christum

et Ecclesiam permansit usque ad martyrium.

Carolus Lampert natus es die IX Ianuarii anno MDCCCXCIV in oppido vulgo

dicto Göfis, in regione Austriaca Vorarlbergae, humili et modestae christia-

nae familiae agricolarum, sensibus pietatis et altae fidei praeditae. Postridie

Baptismi sacramentum recepit et optima Christiana educatione a parentibus

est imbutus, adiuvante praesertim avunculo suo sacerdote Iosepho Antonio

Ammann. Gradibus praescriptis instructionis expletis, mense Iulio anno

MCMXIV examen maturitatis in litteris classicis feliciter sustinuit. Eodem

tempore, Venerabilis Dei Servus se divinitus sensit vocari ad sacerdotium.

Expletis studiis philosophicis ac theologicis, in seminarium Brixinense ac-

ceptus est. Sacerdos ab Episcopo Principe Francisco Egger ordinatus die

XII mensis Maii anno MCMXVIII, cappellanus est destinatus paroeciae Sancti

Martini in loco Dornbirn-Markt. Magno studio diligentique cura ministerium

pastorale illic explevit per XII annos, praecipue in re catechetica omniumque

paroeciae fidelium spiritali cura. Quo de servitio multi Venerabilem Dei

Servum magni habuerunt. Anno MCMXXX, Episcopus Sigismundus Waitz, Ad-

ministrator Apostolicus Oenipontanus-Campitemplensis, misit eum Romam

ut studia iuris canonici incoharet apud Pontificiam Universitatem Grego-