Congregatio de Causis Sanctorum 565

Martyrii fama perdurante, anno 1731 Ordo Fratrum Minorum Conventualium

Causam Beatificationis Servi Dei inivit, quae tamen ob varias circumstantias

interrupta est ac solummodo anno 1984, consentiente Conferentia Episco-

pali Sardiniae, resumpta fuit. Congregatio de Causis Sanctorum, Decreto

diei 3 iunii 1992, validitatem iuridicam recognovit Inquisitionis dioecesa-

nae in civitate Sacceri annis 1990-1991 peractae. Congressus Consultorum

Historicorum, die 4 mensis Martii 2003 favorabilem sententiam dedit su-

per documenta ad martyrium attinentia. Consultores Theologi pariter, in

Congressu Peculiari diei 6 Maii 2013 habito, faventem sententiam quoad

martyrium expresserunt. Purpurati Patres tandem et Episcopi, in Ordinaria

Sessione diei 4 Februarii 2014 congregati, quam ego Card. Angelus Amato

praesedi, Servum Dei Franciscum Zirano occisum esse agnoverunt propter

eius fidelitatem erga Christum et Ecclesiam.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servi Dei Francisci Zirano, Sacerdotis Professi Ordi-

nis Fratrum Minorum Conventualium, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 7 mensis Februarii a.D. 2014.

ANGELUS CARD. AMATO, S.D.B. Praefectus

L. G S.

G MARCELLUS BARTOLUCCI Archiep. tit. Mevaniensis, a Secretis