Acta Apostolicae Sedis - Commentarium Officiale872

ACTA CONGREGATIONUM

CONGREGATIO DE CAUSIS SANCTORUM

VENETIARUM

Beatificationis et canonizationis Servi Dei Lucae Passi, Sacerdotis dioecesani Fun-

datoris Congregationis Sororum Magistrarum a Sancta Dorothea (1789-1866)

DECRETUM SUPER VIRTUTIBUS

« Ignem veni mittere in terram et quid volo? Si iam accensus esset! »

(Lc 12, 49). His verbis Iesus suum erga humanum genus ardentem amorem

ostendit suamque plenam missioni salutis deditionem, quam hereditate Ec-

clesiae per clarum mandatum Apostolis traditum largitus est: « Euntes in

mundum universum praedicate Evangelium omni creaturae » (Mc 16, 15).

Hae evangelicae sententiae Servi Dei Lucae Passi longam sacerdotalem

apostolicamque vitam recte amplectuntur. Hac sententiola sua « ardere ad

accendendum » ducebatur in constanti evangelizationis opere, quod veluti

testamentum suis transmisit institutionibus.

Lucas, primus ex undecim filiis, Bergomi die 22 mensis Ianuarii anno 1789

est ortus, e familia nobilis generis, quae pietate dilectioneque erga Ecclesiam

et Summum Pontificem eminebat. Duobus exactis diebus baptizatus, a suo

optimo patre et patruo, Domino Marco Caelio Passi sacerdote, solidam acce-

pit moralem religiosamque educationem, quam deinde in Seminario Bergo-

mensi perfecit. Presbyter die 13 mensis Martii anno 1813 ordinatus, Collegio

adscriptus Apostolico die 16 mensis Maii anno 1815, praedicationi omnino se

dedit, quam in Italia centrali-septemtrionali perquam frugifere exercuit,

praesertim post Apostolicum nominatum Missionarium. Vigorem intulit

praeclarae Piae Operae Sanctae Dorotheae pro Christiana puellarum educa-

tione institutioneque et Operae Sancti Raphaelis pro pueris, quas fundabat

etiam in regionibus, quo praedicationis causa se conferebat, quarumque cura

non solum piis concredebat mulieribus laicis sed etiam religiosis Institutioni-

bus, decisionem sibi sumentibus eas sustinendi praeter propria peculiaria

proposita. Deinde vero ut stabilitatem efficacitatemque Piae Operae prae-