Acta Apostolicae Sedis - Commentarium Officiale898

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Marci Antonii

Barbarigo, Cardinalis Sanctae Romanae Ecclesiae, Episcopi Faliscodunensis et

Cornetani, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis

VERONENSIS

Beatificationis et canonizationis Servae Dei Leopoldinae Naudet, Fundatricis Con-

gregationis Sororum a Sacra Familia Veronae (1773-1834)

DECRETUM SUPER VIRTUTIBUS

« Vivo autem iam non ego, vivit vero in me Christus » (Gal 2, 20).

Serva Dei Leopoldina Naudet, fidelis Christi discipula, in unum, dum in

Eius conspectu usque vivit Eiusque mandata diligenter persequitur, cum Eo

coniungi petivit. Eapropter ad Eius Regnum propagandum novam religio-

sam sodalitatem condidit, quae puellis ad humana et Christiana praecepta

instituendis dedita esset.

Haec Serva Dei nobili genere, aulae Magni Ducis Etruriae addicto, orta

est Florentiae die 31 mensis Maii anno 1773. Iosephus pater ab Augusta

Suessionum, Gallica urbe, oriundus erat; mater autem, quae Susanna Arnth,

originem ab Hungara gente ducebat. Qua quidem e vivis sublata, Dei Famula

una cum sorore Florentinis Oblatis e Tertio Ordine Sancti Augustini educan-

da tradita est; postea vero apud Suessionenses Canonicissas Regulares Sancti