Acta Benedicti Pp. XVI 835

Servi Dei beatificationis et canonizationis causam incohavit. Omnibus iure

statutis peractis rebus, Veneratus Decessor Noster Ioannes Paulus II die I

mensis Iulii anno MM declaravit Episcopum Carolum Liviero theologales, car-

dinales iisque adnexas virtutes heroum in modum exercuisse. Die XVI mensis

Decembris anno MMVI decretum de miraculo, intercessioni Dei Servi adscripto,

prodiit. Statuimus igitur ut beatificationis ritus die XXVII mensis Maii anno

MMVII apud Civitatem Castelli, Pentecostes sollemnitate interveniente, cele-

braretur.

Hodie igitur de mandato Nostro Venerabilis Frater Noster Iosephus

S.R.E. Cardinalis Saraiva Martins, Congregationis de Causis Sanctorum

Praefectus, textum Litterarum Apostolicarum legit, quibus Nos in Beatorum

numerum Venerabilem Servum Dei Carolum Liviero adscribimus:

Nos, vota Fratris Nostri Peregrini Thomae Ronchi, O.F.M. Cap., Episcopi

Civitatis Castelli vel Tifernatensis, necnon plurimorum aliorum Fratrum in

Episcopatu multorumque christifı̀delium explentes, de Congregationis de

Causis Sanctorum consulto, auctoritate Nostra Apostolica facultatem faci-

mus ut Venerabilis Servus Dei Carolus Liviero, Episcopus et Fundator Con-

gregationis Parvarum Ancillarum a Sacro Corde, qui Christi amore permotus

adiutorio pauperum et infirmorum, exclusorum et orphanorum suam vitam

devoverat, Beati nomine in posterum appelletur, eiusque festum die tricesi-

ma Maii in locis et modis iure statutis quotannis celebrari possit. In nomine

Patris et Filii et Spiritus Sancti.

Quod autem decrevimus, volumus et nunc et in posterum tempus vim

habere, contrariis rebus minime quibuslibet officientibus.

Datum Romae, apud Sanctum Petrum, sub anulo Piscatoris, die XXVII

mensis Maii, anno MMVII, Pontificatus Nostri tertio.

De mandato Summi Pontificis

Tarsicius card. Bertone

Secretarius Status

Loco e Plumbi In Secret. Status tab., n. 54238