Congregatio de Causis Sanctorum 891

Iuridicam horum Processuum auctoritatem agnovit Congregatio de Causis

Sanctorum, decretum vulgans die 24 mensis Maii anno 1985. Exarata Posi-

tione, disceptatio facta est, prout de more, de virtutibus gradu heroico a Dei

Serva exercitis. Prospero quidem cum exitu, habitus est Congressus Peculia-

ris Consultorum Theologorum die 24 mensis Martii anno 2006. Patres Cardi-

nales et Episcopi in Sessione Ordinaria die 6 mensis Martii anno 2007 con-

gregati, audita relatione Ponentis Causae, Exc.mi D.ni Lini Fumagalli,

Episcopi Sabinensis-Mandelensis, edixerunt Servam Dei Hildegardam Burjan

in virtutibus theologalibus, cardinalibus eisque adnexis heroico gradu exer-

cendis earum fastigium attigisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Hildegardis

Burjan, Matrisfamilias, Fundatricis Societatis Sororum a Caritate Sociali, in

casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis

ROMANA seu VIEDMENSIS

Beatificationis et canonizationis Ven. Servi Dei Zephyrini Namuncurá, Christifi-

delis laici Alumni Societatis Sancti Francisci Salesii (1886-1905)

DECRETUM SUPER MIRACULO

Venerabilis Servus Dei Zephyrinus Namuncurá in vico Chimpay prope

Choéle-Choel in Patagonia, Argentinae regione, die 26 mensis Augusti anno