Acta Apostolicae Sedis - Commentarium Officiale876

Strenua fides aluit vitam et operam Servae Dei. Iulia Schneider opus tanti

ponderis reliquit ut Dominum per viam consiliorum evangelicorum sequere-

tur. Selegit parvum Institutum, quod non requirebat dotem, quae tunc ne-

cessaria erat ad domum religiosam ingrediendam: Congregationem scilicet,

cuius erat infirmis, pauperibus, pueris subvenire. Inducta est tantummodo

amore Christi patientis ac maxime apud infimos praesentis. Fortitudo pro-

veniens ex valida spe in Gratia exemplum ipsimet exstitit inde a vitae eius

exordiis. Priusquam vota perpetua profiteretur, ob aestimationem ex parte

superiorum atque indubias eius humanas et spirituales dotes, munera magni

ponderis credita sunt illi. Tenera devotio erga humanitatem et passionem

Domini nostri Iesu Christi nec non fiducia plena in Virgine Perdolenti spiri-

tualia fuerunt novi Instituti instrumenta et lineamenta quibus temperabatur

vita Servae Dei. Professa a votis temporariis ita fulgido eminuit exemplo, ut

committeretur illi cura postulantium, ac deinde, unum et triginta tantum-

modo annos natae, cura quoque noviciatus. Memor verborum Christi, animas

discipularum ad Dominum trahendas curavit, magnam excolens patientiam

et bonitatem, addita insuper austeritate propria illius qui testimonium per-

hibere cupit de vita divina uti dono recepta.

Mense Iulio anno 1852 Dusseldorpii nominata est moderatrix novae com-

munitatis, prope valetudinarium mulierum Sanctae Elisabeth. Hic aliae quo-

que coruscaverunt dotes et virtutes. Valetudinarium in plenum erat renovan-

dum. Vetus sororum communitas in extremis versabatur. Probata eius fides

simul et patientia iugiter nectebantur cum prudentiae et peritiae dotibus in

regimine exercendo. Etiamsi complures fuerint difficultates, inspectores ta-

men Status confessionis Lutheranae, qui saepe improbaverant defectus qui-

bus catholica valetudinaria afficiebantur, facere non potuerunt quin agno-

scerent valetudinarium Sanctae Elisabeth, per operam Servae Dei, ad

meliorem condicionem redactum esse quam ipsum iam « renovatum » valetu-

dinarium urbis.

Sollertia eius animas consororum trahendi ad metam, quae est Christus

Dominus, fecit ut innovatrix actio Sororis Aemiliae positivum sortiretur exi-

tum non tantum ob studium renovandi valetudinarium, verum etiam ob

difficilius opus reformandi communitatem quam diximus Sororum Cellita-

rum. Heroicus eius animus quoad fidei amorisque actionem mystico orationis

igne inflammabatur. Ex constanti colloquio cum Domino vim hauriebat et

intellegentiam ad suam missionem exsequendam. Videbatur Dominus secum

habere velle illas animas selectas quae inserviebant Ei in pauperibus et infir-

mis. Sponsus avidus plenae communionis, Verbum nempe Incarnatum,