Acta Apostolicae Sedis - Commentarium Officiale884

cales a Maria Auxiliatrice, curio, necnon ministrae quae curam eius habebant,

statuerunt ad opem divinam confugere per intercessionem Beatae Mariae

Bernardae Bütler, cuius reliquiae corpori aegrotantis applicatae sunt. Postri-

die vero, die videlicet 6 mensis Iulii mulier plane morbo levata est, quippe in

utraque regione pulmonea absente membranarum liquore. Die 13 eiusdem

mensis Myrna e nosocomio sana dimissa est, optima exinde valetudine usa.

Quo de casu, pro miro habito, in Curia Carthaginensi in Columbia anno

2003 Inquisitio dioecesana instructa est, cuius iuridicam vim Congregatio

haec confirmavit per decretum die 15 mensis Octobris anno 2004 latum.

Consilium autem Medicorum, cum sederet die 23 mensis Martii anno 2006,

agnovit huiusmodi sanationem celerem, perfectam, stabilem eamque, quippe

cum pulmones nullum exinde damnum perpessi essent, singularem fuisse,

eandem vero « quoad modum » ex arte medica explicari minime posse. Post-

modum die 1 mensis Decembris eodem anno Theologi Consultores in Pecu-

liarem convenere Congressum; die autem 17 mensis Aprilis vertentis anni

2007 Ordinaria Sessio Cardinalium Patrum Episcoporumque, Exc.mo D.no

Ottorino Petro Alberti, Archiepiscopo emerito Calaritano, Causae Ponente,

gesta est. Et in utroque Coetu sive Consultorum sive Cardinalium et Episco-

porum, posito dubio an de miraculo divinitus patrato constaret, responsum

affı̀rmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Beatae

Mariae Bernardae Bütler, Fundatricis Congregationis Sororum Missionariarum

Franciscalium a Maria Auxiliatrice, videlicet de celeri, perfecta ac stabili sana-

tione dominae Myrnae Jazime Correa a « polmonite atipica bilaterale complicata

da versamento pleurico ed insufficienza respiratoria a tipo sindrome da distress

respiratorio ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis