566 Acta Apostolicæ Sedis - Commentarium Officiale

CATANENSIS

Beatificationis et Canonizationis Servi Dei Generosi a Ss.mo Crucifixo (in saeculo: Angeli Fontanarosa) Sacerdotis Professi e Congregatione Passionis Iesu Christi (1881-1966)

DECRETUM SUPER VIRTUTIBUS

« Hoc sentite in vobis, quod et in Christo Iesu: qui cum in forma Dei

esset, non rapinam arbitratus est esse se aequalem Deo, sed semetipsum

exinanivit formam servi accipiens, in similitudinem hominum factus » ( Phil

2, 5-7).

Iter quod Iesus percucurrit, mirabiliter ab apostolo Paulo delineatum,

peculiare fuit signum spiritualitatis Servi Dei Generosi a Ss.mo Crucifìxo (in

saec.: Angeli Fontanarosa), qui, in vita sua, semper altiore modo in myste-

rium crucis se immersit et cum forti fide proposito vocationis suae adhaesit.

Servus Dei in loco vulgo Vetralla, provinciae Viterbiensis, die 6 mensis

Novembris anno 1881 est ortus. In familia bonam accepit humanam chris-

tianamque institutionem et adulescentiae aetate signa percepit ad vitam

consecratam vocationis. In Arce Papali Seminarium Passionistarum est

ingressus quod, brevi tempore, ob valetudinis causam relinquere debuit.

Eius tamen perseverantia effecit ut, quindecim annos natus, die 7 mensis

Maii anno 1897, in novitiatum exciperetur inter Filios sancti Pauli a Cruce

apud communitatem Montis Argentarii, nomen sumens quod in religione

adhibebit. Iter formationis ad sacerdotium est prosecutus atque, anno 1904,

ordinationem accepit.

Primum munus apud Scalam Sanctam Romae exercuit; deinde Lucam

transiit; ad postremum, post sequentem commorationem Romae et in Arce

Papali, die 31 mensis Decembris anno 1915 in Siciliam est missus ut etiam

hac in insula praesentiam et navitatem Passionistarum proveheret.

Primo bello mundiali erumpente, Servus Dei militiae est adscriptus atque

infirmis curandis in valetudinariis militaribus se dicavit et insimul praedica-

tioni in diversis Italiae partibus. Anno 1918 ipsemet vicissim gravi vulnere

est affectus atque ob vires pro vulneratis impensas numismate est insignitus.

Bello confecto, pater Generosus ministerium suum adimplere perrexit,

sed condiciones eius salutis in deterius eo processerunt ut per quindecim