Congregatio de Causis Sanctorum 567

dies in veternosum statum incideret. Vires quidem deinde refecit, sensus

tamen motorii decreverunt, quapropter coactus est usque ad postremos suos

dies sedentariam ducere vitam.

Eius desiderium perfecte voluntati Dei adhaerendi minime deminuit,

immo fortius est redditum et per dolores purificatum. Hoc enim modo in

ministerium moderaminis spiritualis studiose incumbere potuit, quod pro

innumeris exercuit animabus, quas inter pro Venerabili Serva Dei Lucia

Mangano. Nota fuit eius scriptoris navitas simul cum plurimis epistulis quae

veluti authenticus fons spiritualis et mysticae theologiae animadvertuntur.

Duas condidit communitates et, potissimum in Catanensi regione vulgo

Mascalucia, non communes dotes administrationis demonstravit, simul cum

magna perseverantia serenaque patientia.

Humanae dotes, christianae virtutes, religiosae consecrationis dona in

vita Servi Dei patenter emergunt. Eius longum iter terrestre semper illu-

minatum et ductum est firma fide quae precibus, celebratione eucharistica

et devotione erga Passionem Domini et Virginem Perdolentem nutriebatur.

Peculiari sensibilitate pater Generosus necessitatem animadvertit navi-

tati pastorali primatum vitae interioris tribuendi: quo circa animarum zelus

prima eius et prorsus authentica indoles exstitit. Profundus paupertatis et

humilitatis spiritus eius ostendebatur in modis agendi et se conservandi;

humanus et simul severus specialiter in administranda Reconciliatione scie-

bat sensum amoris misericordis Dei credibiliter transmitiere. Oboedientia

Regulae Ordinis nedum esset simplex adhaesio exterior cuidam proposito,

authenticam constituit in spiritualitatem Passionistarum immersionem atque

personalem mysterii Christi Cracifixi ostentationem.

In loco Mascalucia die 9 mensis Ianuarii anno 1966 pie in Domino

obdormivit, fama sanctitatis circumdatus; quam ob rem apud Curiam ec-

clesiasticam Catanensem Inquisitio dioecesana acta est ab anno 1986 ad

annum 1990 atque Processus rogatorialis apud Vicariatum Romae ab anno

1987 ad annum 1988: quorum iuridica validitas per Decretum diei 12 mensis

Decembris anno 1992 a Congregatione de Causis Sanctorum est recognita.

Parata Positione, disceptatum est, ad suetas normas, an Servus Dei virtutes

heroico modo exercuisset. Peculiaris Consultorum Theologorum Congressus

die 15 mensis Martii anno 2012, positivo cum exitu, habitus est. Patres

Cardinales et Episcopi, me, Angelo Card. Amato, moderante, in Sessione