568 Acta Apostolicæ Sedis - Commentarium Officiale

Ordinaria die 19 mensis Februarii anno 2013 edixerunt Servum Dei heroico

modo virtutes theologales, cardinales iisque adnexas excoluisse.

Facta demum de hisce omnibus rebus Summo Pontifici Francisco per

me, subscriptum Cardinalem Praefectum, accurata relatione, Sanctitas Sua,

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servi Dei Ge-

nerosi a Ss.mo Crucifixo (in saec.: Angeli Fontanarosa), Sacerdotis Professi

e Congregatione Passionis Iesu Christi, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 27 mensis Martii a.D. 2013.

ANGELUS CARD. AMATO, S.D.B. Praefectus

L. G S.

G MARCELLUS BARTOLUCCI Archiep. tit. Mevaniensis, a Secretis

VERONENSIS

Beatificationis et Canonizationis Servi Dei Nicolai Mazza Sacerdotis Dioecesani

Pro Educatone Institutorum Fundatoris (1790-1865)

DECRETUM SUPER VIRTUTIBUS

« Dei voluntas ostendetur et nos parati erimus ad eam sequendam, qua-

liscumque erit, quia nos nihil aliud volumus nisi quod Deus vult ».

Haec verba, quae a Servo Dei Nicolaus Mazza anno 1851 ad alumnum

suum sacerdotem scripta sunt, patefaciunt eius firmam voluntatem sequendi

Dei nutum, consilium quod ille semper sua in vita adsecutus est.

Servus Dei Veronae die 10 mensis Martii anno 1790 e Aloisio Mazza

et Rosa Paiola primus novem fratrum natus est. Baptizatus sequenti die,