Congregatio de Causis Sanctorum 875

COLONIENSIS et AQUISGRANENSIS

Beatificationis et canonizationis Servae Dei Aemiliae Schneider (in saec.: Iuliae),

Sororis professae Congregationis Filiarum a Cruce (1820-1859)

DECRETUM SUPER VIRTUTIBUS

« Mulierem fortem quis inveniet? Longe super gemmas pretium eius »

(Prv 31, 10).

Confirmata in vocatione controversiis familiaribus conflictata, proprio

confessario obtemperans, praehabitis consiliis Archiepiscopi Leodiensis,

D.ni Cornelii von Bommel, Serva Dei Iulia Schneider, quae postea appella-

bitur Soror Aemilia, frugifera in praesens reddit illa vitae verba ex Libro

Proverbiorum desumpta.

Haec Serva Dei die 6 mensis Septembris anno 1820 nata est in oppido

vulgo Haaren, prope urbem Heinsberg, quae post Congressum Vindobonen-

sem effecta est provincia Rhenana Borussica. Pater eius protestantium doc-

trinam profitebatur, mater vero catholicam fidem. Officium explens portito-

ris, pater saepe domicilium mutare tenebatur, semper secum ferens familiam.

Serva Dei rectam recepit institutionem, vi cuius Leodii uti institutrix apud

baronem loci vulgo Favereau de Fraipont operari potuit. Hac quidem periodo

maturam reddidit suam religiosam vocationem, Domino se reservans et

quamlibet reiciens occasionem matrimonii. Pater tenaciter obstitit eius vo-

luntati ingrediendi Congregationem Filiarum a Cruce, id est Belgicum inci-

piens Institutum: quapropter coacta est ad eam hac prima occasione relin-

quendam. Instans tamen vocatio et licentia confessarii perduxerunt eam ad

definitivum ingressum in praeoptatam Congregationem die 13 mensis

Augusti anno 1845.

Primos vitae religiosae annos Leodii transegit, et priusquam perpetua

emitteret vota, curam sibi creditam assumpsit educandi pueros regionis Val-

lobelgicae, ac paulo post exercendi munus magistrae noviciarum. Dusseldor-

pii moderatrix exstitit novae domus nuper apertae. Hoc exsequens novum

officium, vocata est ad reformandam praeexsistentem communitatem Soro-

rum Cellitarum et adnexum valetudinarium mulierum novato ordine dispo-

nendum. Quamvis innumeras inter difficultates versaretur, condicionem illius

valetudinarii ad meliores gradus evehere potuit, ut consororibus exemplo

esset et stimulo. Duodequadraginta aetatis annos nata, videlicet die 21 men-

sis Martii anno 1859, in Domino obdormivit, diffusam relinquens sanctitatis

memoriam.