570 Acta Apostolicæ Sedis - Commentarium Officiale

vus Dei quia in suis et alias vocationes agnovit, consilium ad Evangelium

praedicandum disposuit, ut laici, sacerdotes, religiosi viri et mulieres omnes

Africae nativi, Veronae autem a pueritia instituti, simul fidei propagationi

interessent.

Post primam missionem, ab anno 1857 ad annum 1862, sex sacerdotes

ad propagandam fidem legati, quorum et Sanctus Danielis Comboni fuit,

locum in quo operam inchoare eligerunt, in regionem Africanam pene-

trantes, primitus litteras loci lingua docuerunt et gramaticam, lexicon et

catechismum comparaverunt.

Inter omnes Sanctos et Beatos, qui illo tempore Veronenses fines illus-

trabant, Servus Dei eminebat in singulari virtute omnem civitatem operae

suae participans et quia ipse vitae et institutionum civilium particeps fuit,

enim adfuit in Academia Agriculturae Commercii et Artium (1840-1865), in

administrationis municipii Veronensis Consilio (quater per triennium inter

annum 1848 et annum 1862).

Diffidentiae etiam in dioecesano clero non defuerunt, propter bene-

volentiam Servi Dei et aliquorum sociorum eius erga doctrinam Antonii

Rosmini, quae illo tempore in controversia valde versabatur.

Difficultates et adversa, quae extremis annis vitae Servi Dei occurrebant,

eius virtutes praecipue ostenderunt, cuius vitae regimen in absolutam Dei

fidem et observantiam omnium dispositionum Ecclesiae fundabatur. Eius

spiritualitas in Sacro Iesu Corde, cuius cultum favit et in populo diffudit,

posita erat necnon in ardenti ac filiali amore erga Virginem Mariam. Do-

minus Mazza, forti oratione fultus, semper Dei voluntatis rectitudine ac ge-

nerositate adsectator fuit. Haec certa spiritualitas corroboratur et probatur

ingenti opera promotionis socialis. Sedulitas in cura animarum semper eius

praecipuum et singulare studium fuit.

Veronae, die 2 mensis Augusti anno 1865, Servus Dei pie terrena e vita

migravit. Eius ad exequias plus quam decem milia homines adfuerunt et

saepe audiebatur dictitare « vere sanctus mortuus est ».

Adventu quinquagesimi anni mortis eius, corporis prima recognitione,

cautum est ut e civico coemeterio ad ecclesiam Sancti Caroli transferetur;

prima historia vitae Servi Dei digesta et scripta est, qua anno 1925 initium

Causae permisit necnon ortus Unionis Alumnorum ac Piae Unionis Auxilii

antiquorum alumnorum sacerdotum.