Congregatio de Causis Sanctorum 877

Christus Dominus, suam sponsam, tantum undequadraginta annos aetatis

agentem, breves sed acerbos patientem dolores, ad Se vocavit. Ipsa ergo,

« omnimode aerumnis vexata », ingredi potuit caelestem thalamum inde a

mundi constitutione eidem paratum. Statim populus christianus Dusseldor-

piensis, submersus eo proprio sensu qui ex fide devotioneque oritur, sollem-

nibus honestavit illam funeribus eiusdemque intercessionem statim invocare

coepit. Fama sanctitatis Servae Dei annorum decursu non est deleta; secus

enim, increbruit uti signum amicae praesentis in caelo, quae omnibus favet

ad se iam apud Sponsum recurrentibus.

Quapropter Archiepiscopus Coloniensis et Aquisgranensis beatificationis

et canonizationis Causam iniit, instruens Processum Ordinarium Informati-

vum inter annos 1926-1931, cuius iuridicam auctoritatem agnovit haec Con-

gregatio decretum edens die 9 mensis Maii anno 1986. Die 29 mensis Maii

anno 2001 habita est Sessio Consultorum Historicorum; deinde virtutes Ser-

vae Dei examini sunt subiectae. Die 2 mensis Februarii huius anni 2007 actus

est Congressus Consultorum Theologorum prosperam huiusmodi ferentium

sententiam. Patres Cardinales et Episcopi, in Sessione Ordinaria congregati

die 12 praeteriti mensis Iunii, Ponente Causae Exc.mo D.no Paulo Iosepho

Cordes, Archiepiscopo titulo Naissitano, edixerunt Servam Dei Sororem Ae-

miliam in exercendis virtutibus theologalibus, cardinalibus eisque adnexis

heroico gradu fastigium attigisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Aemiliae

Schneider (in saec.: Iuliae), Sororis professae Congregationis Filiarum a Cruce,

in casu et ad effectum de quo agitur.

Voluit autem Sanctitas Sua ut hoc decretum publici iuris fieret et in acta

Congregationis de Causis Sanctorum referretur.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis