Congregatio de Causis Sanctorum 571

Hac fama sanctitatis, qua Veronensi in Ecclesia Servus Dei in vita,

praecipue iuxta antiquos alumnos sacerdotes et laicos, claruit, iuxta Cu-

riam Episcopalem Veronensem Processus Informativus celebratus est a die

8 mensis Maii anno 1925 ad diem 15 mensis Octobris anno 1927, quem

secuti sunt, apud eamdem Curiam, Processus suppletivus a die 26 mensis

Februarii anno 1934 ad diem 1 mensis Martii anno 1937 et demum Inqui-

sitio suppletiva a die 9 mensis Octobris anno 1987 ad diem 10 mensis anno

1990. Quorum iuridica validitas ab hac Congregatione per Decretum diei

14 mensis Decembris anno 1990 approbata est. Exarata Positione, habitus

est Congressus Peculiaris Consultorum Historicorum diei 1 mensis Octobris

anno 2002 et Consultorum Theologorum diei 21 mensis Februarii anno 2012,

unanimiter positivo cum exitu. Patres Cardinales et Episcopi in Sessione

Ordinaria diei 21 mensis Maii anno 2013 congregati, me praesidente Angelo

Card. Amato, agnoverunt Servum Dei Nicolaum Mazza virtutes theologales,

cardinales eisque adnexas heroum in modum excoluisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iusti-

tia, Temperantia et Fortitudine iisque adnexis in gradu heroico, Servi Dei

Domini Nicolai Mazza, Sacerdotis Dioecesani et Fundatoris pro educatione

Institutorum, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 3 mensis Iunii a.D. 2013.

ANGELUS CARD. AMATO, S.D.B. Praefectus

L. G S.

G MARCELLUS BARTOLUCCI Archiep. tit. Mevaniensis, a Secretis