Acta Apostolicae Sedis - Commentarium Officiale878

TREVIRENSIS

Beatificationis et canonizationis Ven. Servae Dei Mariae Rosae Flesch (in saec.:

Margaritae), Fundatricis Congregationis Sororum Franciscalium a B.M.V. Ange-

lorum (1826-1906)

DECRETUM SUPER MIRACULO

Venerabilis Serva Dei Maria Rosa Flesch (in saeculo Margarita) in loco

v.d. Schönstatt / Vallendar in Rhenania, die 24 mensis Februarii anno 1826 est

orta. In infantia atque adulescentia plures pertulit angustias familiaeque

paupertatem ob mortem matris prius, deinde patris. Commodas recusans

matrimonii condiciones, navitati pro bono pauperum, parentibus orbatorum

et senum relictorum singulari caritate se dicavit. Hac in industria aliae se-

cutae sunt eam sociae voluntariae, et ita initium dedit Congregationi Soro-

rum Franciscalium a Beata Maria Virgine Angelorum in Waldbreitbach. Die

25 mensis Martii anno 1906 pie in Domino obdormivit.

Summus Pontifex Benedictus XVI, die 28 mensis Aprilis anno 2006, de-

claravit Servam Dei heroicum in modum virtutes theologales, cardinales

iisque adnexas exercuisse.

Postulatio Causae, Servae Dei prospiciens beatificationi, examini huius

Congregationis de Causis Sanctorum putatam subiecit miram sanationem

dominae Monicae Schneider, quae, primis horis postmeridianis diei 5 mensis

Septembris anno 1986, infortunium raedarium subiit, dum suam raedam

gubernaret. Mulier, conscientia destituta, magnam patiens fracturam capitis

caeli ad dexteram parietis sedem, in valetudinarium loci v. d. Wadern est

translata, ubi medici grave edixerunt trauma capitis encephalicum apertum.

Post intubationem, aegrota helicoptero vecta est in valetudinarium urbis

Trevirensis, ad sedem therapiae intensivae, ubi ex sic dicta analysi TAC

celebrali confirmata est fractura capitis caeli dextera in parte, continens

fragmentum ossis circa 8-10 centimetra longum. Medici arbitrantes mulieris

condiciones esse gravissimas, sectioni chirurgicae subiecerunt eam ut fracta

auferrent ossis fragmenta. Post operationem in peius ruit condicio dominae

Schneider atque infausta edicta est prognosis quoad vitam et quoad valetu-

dinem.

Statim ut notum est raedarium infortunium et gravitatis condiciones

dominae Monicae Schneider, religiosae diversarum comunitatum Congrega-

tionis Sororum Franciscalium a Beata Maria Virgine Angelorum orare tum

coniunctim tum privatim coeperunt pro infirmae sanatione, intercessionem