572 Acta Apostolicæ Sedis - Commentarium Officiale

ILLERDENSIS ET ALIARUM

Beatificationis seu Declarationis Martyrii Servorum Dei Chrysanthi, Aquilini, Cypriani Iosephi et LXIII Sociorum ex Instituto Fratrum Maristarum a Scholis necnon duorum Laicorum († 1936-1939)

DECRETUM SUPER MARTYRIO

« Beati estis cum maledixerint vobis et persecuti vos fuerint et dixerint

omne malum adversum vos, mentientes, propter me. Gaudete et exsultate,

quoniam merces vestra copiosa est in caelis; sic enim persecuti sunt pro-

phetas, qui fuerunt ante vos » ( Mt 5, 11-12).

Verbo Dei ac Mariae, bonae Matris, materno praesidio confisi, fratres hi

et laici ex Instituto Fratrum Maristarum a Scholis, Spiritu Sancto roborati,

fidem suam in Christo confessi sunt infamiasque et turpem condemnationem

tulerunt usque ad effusionem sanguinis, tempore dirae, quae Hispaniam

vigesimi saeculi decade quarta vastavit, persecutionis contra religionem

christianam.

Elenchus sequitur duodeseptuaginta martyrum, qui e quattuor diversis

Causis apud Dioeceses Illerdensem, Urgellensem, Caesaraugustanam et Ma-

tritensem initis in unam cumulati sunt:

1. Frater Chrysanthus (in saec.: Casimirus) González García die 4 mensis

Martii anno 1897 in vico Torrelaguna, intra fines dioecesis Matritensis, natus est.

Die 28 mensis Septembris anno 1921 vota religiosa professus est apud Congrega-

tionem Fratrum Maristarum a Scholis. Die 18 mensis Iulii anno 1936, cum Co-

mitatus rei publicae perturbationis provehendae loci Balaguer domum Las Avel-

lanas vacuefaciendam curavit, ubi Chrysanthus muneribus Moderatoris alumno-

rum probandorum fungebatur, Servus Dei una cum iuvenibus eidem commissis

in vicum Tartareu confugit. Mense post duodecim desertores ex Aragonensi acie

Tartareu advenerunt omnes probandos interfecturi, eorum tantum Moderatorem

enecandum statuerunt. Qui vero, quamvis operae illi esset, nullomodo tamen ef-

fugit, cum iuvenes alumnos deserere nequiret. Desertores igitur vehiculi ope eum

peregre abstulerunt et in loco vulgo Mas del Pastor nuncupato, die 27 mensis

Augusti anno 1936, in anniversario eius ingressus ad novitiatum, interfecerunt.

2. Frater Aquilinus (in saec.: Baldomerus) Baró Riera die 29 mensis Septem-

bris anno 1903 in vico Tiurana, intra fines dioecesis Illerdensis, natus est. Die