Congregatio de Causis Sanctorum 879

invocantes Servae Dei Mariae Rosae Flesch, cuius imago cum reliquia sub

eius pulvinum est posita. Contra praevisionem medicorum, noctu inter dies 5

et 6 mensis Septembris illius anni, condiciones infirmae claram ostenderunt

inversionem, quae ad completam sanationem est prosecuta.

De hoc casu, miro considerato, celebrata est annis 1998-1999 apud Curiam

Trevirensem Inquisitio dioecesana, cuius iuridica validitas ab hac Congrega-

tione per decretum diei 26 mensis Ianuarii anno 2001 est approbata. Consi-

lium Medicorum huius Dicasterii, in sessione die 8 mensis Iunii anno 2006

habita, declaravit sanationem celerem, perfectam, constantem, omnibus re-

siduis omnino demptis, et ex scientiae legibus inexplicabilem fuisse. Die 26

mensis Ianuarii anno 2007 Congressus actus est Peculiaris Consultorum

Theologorum atque die 19 sequentis mensis Iunii in Ordinaria Sessione se

congregaverunt Patres Cardinales et Episcopi, Causae Ponente Exc.mo Do-

mino Petro Georgio Silvano Nesti, C.P., Archiepiscopo emerito Camerinensi-

Sancti Severini in Piceno. Et in utroque Coetu, sive Consultorum sive Cardi-

nalium et Episcoporum, posito dubio an de miraculo divinitus patrato con-

staret responsum affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servae Dei Mariae Rosae Flesch (in saec.: Margaritae), Fundatricis Congrega-

tionis Sororum Franciscalium a Beata Maria Virgine Angelorum, videlicet de

celeri, perfecta ac constanti sanatione dominae Monicae Schneider a « grave trau-

ma cranio-encefalico aperto con frattura della calotta, sofferenza del tronco cere-

brale con coma e midriasi bilaterale rigida, secondaria all'edema cerebrale dif-

fuso ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis