Congregatio de Causis Sanctorum 573

19 mensis Iulii anno 1925 vota religiosa professus est apud Congregationem Fra-

trum Maristarum a Scholis. Mense Iulio anno 1936, in loco Las Avellanas Magistri

Noviatiorum officio fungebatur. Discriminis communitati instantis sibi admodum

conscius, fratres socios et magistros diversas apud domus et propinquos distri-

butos in tuto collocare valuit. Ipse autem cum iuvenibus postulantibus mansit et

novitiis, qui ipsius curis commissi erant. Quibus quoque aliter depositis, apud vi-

cum patrium confugit. Ineunte autem mense Septembri anno 1936, armigerorum

seditiosorum manipulus vestigia eius institit, quem arreptum in locum Las Avel-

lanas rettulit. Qui opinionum asseclae omnem singulorum proprietatem maxime

denegantes in valetudinarium loci Balaguer deinde transierunt, apud quod tres

socii eiusdem Congregationis, Fabianus scilicet atque Felix Laurentius et Ligorius

Petrus, recipiebantur, qui et in locum Las Avellanas delati sunt, ubi iam Frater

Aquilinus erat. Omnes in aphaeristerium ablati plumbis interfecti sunt. Ultima

haec Fratris Aquilini verba: « Utpote christianus vobis ignosco et utpote religiosus

gratias ago vobis, quia honorem decusque pro Christo moriendi mihi conceditis ».

3. Frater Cyprianus Iosephus (in saec. : Iulianus) Iglesias Bañuelos die 26

mensis Februarii anno 1893 in vico Los Valcárceres, intra fines dioecesis Bur-

gensis, natus est. Die 15 mensis Augusti anno 1915 vota religiosa professus est

apud Congregationem Fratrum Maristarum a Scholis. Mense Augusti anno 1936,

Frater Cyprianus munere Moderatoris domus Toletanae fungebatur. Cum urbs

Toletum praeter arcem armigerorum seditiosorum subiecisset arbitrio, Fratres

Maristae, qui apud scholam dabant operam, omnes arrepti sunt: Servus Dei igitur

una cum decem sociis in carcerem coniecti sunt et, die 23 mensis Augusti, inter

alios captivos plumbis transfossi.

Illa in vehementi persecutionis tempestate mortem etiam occubuerunt

Servi Dei e Congregatione Fratrum Maristarum a Scholis, qui sequuntur:

4. Fabianus (in saec.: Ioannes) Pastor Marco, qui, Barcinone die 14 mensis

Ianuarii anno 1876 natus, die 24 mensis Augusti anno 1893 vota religiosa profes-

sus est et die 3 mensis Septembris anno 1936 in loco Las Avellanas prope Illerdam

martyr occubuit;

5. Ligorius Petrus (in saec.: Hilarius) de Santiago Paredes, qui, in vico Cisne-

ros del Campos die 13 mensis Maii anno 1912 natus, die 31 mensis Augusti anno

1932 vota religiosa professus est et in loco Las Avellanas die 3 mensis Septembris

anno 1936 Las Avellanas prope Illerdam martyr occubuit;