Acta Apostolicae Sedis - Commentarium Officiale880

MANILENSIS

Beatificationis et canonizationis Servae Dei Ignatiae a Spiritu Sancto, Fundatricis

Congregationis Sororum a Beata Maria Virgine (1663-1748)

DECRETUM SUPER VIRTUTIBUS

« Nemo est, qui reliquerit domum aut fratres aut sorores aut matrem aut

patrem aut filios aut agros propter me et propter evangelium, qui non acci-

piat centies tantum nunc in tempore hoc, domos et fratres et sorores et

matres et filios et agros cum persecutionibus, et in saeculo futuro vitam

aeternam » (Mc 10, 29-30).

Haec, quae Divinus Magister promisit, etiam in vita Ignatiae a Spiritu

Sancto impleta sunt. Ipsa enim, iis omnibus percalcatis, quae familia ei ad

tutam commodamque vitam degendam praestabat, Christo ac proximo to-

tam se tradere maluit. Propterea dives coram Deo et Ecclesia facta est, non

modo quia multum in via sanctitatis profecit, verum etiam quia prima Con-

gregatione religiosa, virginibus, tam mixticiis quam indigenis, patenti, Phi-

lippinas donavit.

Serva Dei in vico Sinensi, qui vulgo Binondo, in extrema urbe Manila

posito, mense Februario anni 1663, Iosepho Yuko, viro Sinensi natione, et

Maria Hieronyma, quae indigena fuisse videtur, prima genita est. Die autem

4 mensis Martii, eodem anno, cum in templo Sanctorum Regum, in loco

Parián, baptismate sancto rite ablueretur, Ignatia, nempe ad honorem Anti-

ocheni martyris, appellata est. Crevit itaque puella in vico Binondo, ubi

catholica fide instituta est.

Cum autem vicesimum alterum annum ageret, Dei Famula, utpote quae

semetipsam divino quodam nutu ad sacram conversationem amplexandam

vocatam agnosceret, sibi a parentibus oblatam condicionem matrimonii re-

cusavit. Quae, licet antea dominicanum « Beaterium » a Sancta Catharina

Manilae ingredi in animo habuisset, ad ultimum, Patre Paulo Klein, bohemo

e Societate Iesu, auctore, statuit novum opus incipere, quod primo « Beate-

rium Societatis » nuncupatum est. Deinde vero, anno 1684, cum interea coe-

pisset orationi et expiationi vacantem vitam agere atque Manilensibus Pa-

tribus e Societate Iesu servire, in parva domo, quae apud eorum templum

erat, sedem ac domicilium constituit; ibique consutis victum quaerebat. Mox

autem, elapso annuo spatio, sodales aliae, quas auctoritas eius allexerat,

affluxerunt. Sicque novae sodalitatis initium factum est, quae quidem, Iesui-

tarum moderamini in spiritualibus subiecta, dedita erat orando, adulescen-