Congregatio de Causis Sanctorum 881

tulis puellisque instituendis, christianae doctrinae tradendae sacrisque exer-

citationibus Ignatiano more suscipiendis, scilicet religiosis viris e Societate

Iesu quam proxime adiuvantibus. Floruit huiusce sodalitatis vivendi ratio

fraterna sinceraque consuetudine, austeritate, expiationis studio, paupertate

summaque diligentia, quae in apostolatu vel in operibus misericordiae adhi-

bebatur. Attento autem novae fundationis incremento, Serva Dei constitu-

tionibus conscribendis operam dedit, quas quidem anno 1732 dioecesanae

auctoritates, quorum iudicio ipsa iam anno 1726 permiserat, approbarunt.

Deinde vero, anno 1906, hoc Opus in Institutum religiosum dioecesani iuris

erectum est; anno autem 1948 pontificiam approbationem obtinuit, manente

etiam nunc nomine Congregatione Sororum a Beata Virgine Maria.

Vitam Ancillae Dei quotidianam continenter intima Deo unio collustra-

vit, Cuius voluntas suprema ei lex erat. Divinae Providentiae plane confisa,

ipsa arduum iter suscepit, eaque secura, quamvis instructa conversatione

careret. Fidem aluit non modo oratione ac pietate, qua ipsa Sanctissimam

Eucharistiam Beatamque Mariam Virginem prosequebatur, verum etiam

operibus, quae eadem castigationis expiationisque causa suscipiebat. Porro

talis femina propter Deum, Cui uni ipsa deservire cupiebat, coniugium vitae-

que commoda recusavit. Postremo vita eius in amando Deum Eique famu-

lando innixa est, spe futurorum bonorum ostendente quo ipsa tenderet. Pro-

ximum suum dilexit, quippe quae sua bona cum pauperibus communicaret

summaque ope ad apostolica studia pro animarum salute contenderet. Ea-

dem in variis casibus adversis « vere fortis mulier » exstitit: nam difficultates

omnes, in quas ipsa inde a primordiis usque ad exitum suae fundationis

incurrerat, prudenti ac toleranti animo adiit. Summo studio paupertatis in-

censa, reapse, utpote quae tenui industriaque vivendi ratione frueretur,

exemplo sociabus fuit. Denique humilitate, oboedientia, huius saeculi vani-

tatum contemptione eminuit.

Anno autem 1737, cum « Beaterium » regendum abdicasset, tamquam hu-

milis Soror novellae Antistitae potestati se subiecit. Pie requievit die 10

mensis Septembris anno 1748. De hac re in eius Congregatione traditur mors

eam genibus nixam oppressisse, scilicet post participatum caeleste convi-

vium, in Manilensi templo Sancto Ignatio dicato, in quo eadem sepulta est.

Cum igitur Dei Ancilla sanctimoniae fama floreret, Causae beatificationis

et canonizationis inchoandae conatus plures, maxime vero vicesimo christia-

no vertente saeculo, capti sunt. Anno autem 1987 Archiepiscopus Manilensis

Inquisitionem dioecesanam peragere valuit, cuius vis agnita est ab hac Con-

gregatione de Causis Sanctorum per decretum die 20 mensis Decembris anno