Acta Apostolicae Sedis - Commentarium Officiale882

1991 latum. Inde Consultores in re historica periti sederunt die 16 mensis

Ianuarii anno 2001. Positione autem perfecta, deventum est ad disceptatio-

nem Ancillae Dei virtutum. Die vero 23 mensis Februarii anno 2007, favente

cum exitu, Theologi Consultores in Peculiarem convenere Congressum. Pur-

purati Patres et Antistites, in Sessione Ordinaria, quae die 19 mensis Iunii

eodem anno gesta est, audita relatione Exc.mi D.ni Petri Iacobi De Nicolò,

Archiepiscopi tit. Martanaënsis, Causae Ponentis, agnoverunt Ignatiam a

Spirito Sanctu theologales, cardinales iisque adnexas virtutes, heroicum qui-

dem in modum, exercuisse.

Facta demum de hisce omnibus rebus Summo Pontifı̀ci Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Ignatiae a

Spiritu Sancto, Fundatricis Congregationis Sororum a Beata Maria Virgine, in

casu et ad effectum de quo agitur.

Mandavit autem Sanctitas Sua ut hoc decretum publici iuris fieret et in

acta Congregationis de Causis Sanctorum referretur.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis