Congregatio de Causis Sanctorum 883

CARTHAGINENSIS IN COLUMBIA

Canonizationis Beatae Mariae Bernardae Bütler (in saec.: Verenae), Fundatricis

Congregationis Sororum Missionariarum Franciscalium a Maria Auxiliatrice

(1848-1924)

DECRETUM SUPER MIRACULO

Beata Maria Bernarda Bütler (dum saeculo viveret, Verena) in loco Auw,

qui in Argoviensi pago Helvetiorum, die 28 mensis Maii anno 1848 nata est.

Cum se adiunxisset Monialibus a Maria Auxiliatrice, apud locum Altstätten

degentibus, quae Regulam Tertii Ordinis Sancti Francisci Statutaque ab

Urbano VIII anno 1625 approbata servabant, earum antistita multos annos

facta est. Vocante autem Episcopo Portus Veteris, sororibusque quibusdam

comitantibus, in Aequatoriam evangelizandi causa migravit. Ibi vero Con-

gregationem Sororum Missionariarum Franciscalium a Maria Auxiliatrice

fundavit, quam ipsa summa prudentia et sedulitate direxit. Ut autem vexa-

tionem, quae eo tempore adversus Ecclesiam saeviebat, effugeret, anno 1895

Carthagine in Columbia se collocavit, ibique die 19 mensis Maii anno 1924

sancte requievit.

Lectissimam virginem hanc Ioannes Paulus II, Summus Pontifex, Bea-

torum caelitum honoribus insignivit die 29 mensis Octobris anno 1995.

Eius vero canonizationi prospiciens, Postulatio Causae sanationem quan-

dam, quae eadem deprecante a Deo patrata ferebatur, huic Congregationi

subiecit expendendam. Quae res pertinet ad D.nam Myrnam Jazime Correa,

medicinae peritam mulierem, cui quidem, cum in quoddam valetudinarium

Carthaginense in Columbia die 26 mensis Iunii anno 2002 deducta esset,

diagnosis facta est de liquore, in regione bronchopulmonea permanante, in

utramque laterum membranam infuso. Sequentibus autem diebus mulier

gravius aegrotavit. Hinc consilio peritorum medicorum diagnosis prolata

est de « pneumonia atypica eaque propter liquorem in utramque laterum

membranam infusum ingravescente ». Tum vero aegrotae, quae interea in

sedem curationis valentissimae translata erat, latus utrumque, nempe ad

membranarum liquorem siccandum, excisum est; sed, cum eiusmodi curatio

invalida evasisset, altera radiographica laterum imagine die 3 mensis Iulii

anno 2002 facta, confirmatum est agi de liquore, in regione bronchopulmonea

permanante, in utramque laterum membranam infuso. Interea, morbo in

universum ingravescente, prognosis tam quoad vitam quam quoad valetudinem

severa erat, adeo ut die 5 mensis Iulii familiares Myrnae funeri iam prospi-

cerent. Rebus sic stantibus, parentes aegrotae, Sorores Missionariae Francis-