Acta Apostolicae Sedis - Commentarium Officiale886

de Causis Sanctorum probatae sunt. Dicasterii Collegium Medicorum in ses-

sione diei 5 insequentis mensis Octobris praegnationem spontaneam eiusque

physiologicum incrementum inexplicabiles secundum scientiam medicam

fuisse affirmavit. Die 19 mensis Decembris eiusdem anni Congressus Peculia-

ris Consultorum Theologorum factus est et die 5 mensis Iunii huius anni 2007

Sessio Ordinaria Patrum Cardinalium et Episcoporum, Ponente Causae Exc.-

mo Domino Laurentio Chiarinelli, Episcopo Viterbiensi. Et in utroque Coetu,

sive Consultorum sive Cardinalium et Episcoporum, posito dubio an de mi-

raculo divinitus patrato constaret, responsum affirmativum prolatum est.

Facta demum de hisce omnibus rebus Summo Pontifı́ci Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Beati

Caietani Errico, Sacerdotis professi et Fundatoris Congregationis Missionario-

rum a SS. Cordibus Iesu et Mariae, videlicet de spontanea sanatione dominae

Annae Russo a « sterilità primaria da anavulazione cronica, resistente alla te-

rapia medica e chirurgica, in paziente con utero unicorne-unicolle rudimentale,

esitata in gravidanza insorta spontaneamente e proseguita con evoluzione fisio-

logica con parto pretermine alla 36a settimana, senza alcun trattamento ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis