CAPUT V.

De significationibus imaginum in lapidibus.

Licet autem absque dubio ea sufficiant ad praesentem intentionem quae dicta sunt, tamen ad solatium legentium quaedam ponemus de significatione imaginum, et postea de ligaturis et suspensionibus earum, et postea complebimus de lapidibus tractatum. Ut generaliter igitur et in communi sit dicere, Aries vel Leo vel Sagittarius insculpti propter ignem et Orientalem triplicitatem designant lapides illos habere contra febres proprietatem, et infirmitatem, sicut est hydropisis, et paralysis, et hujusmodi : et quia calidum bene movet, dicuntur gestantes se facere ingeniosos et facundos et exaltare in honoribus hujus mundi et praecipue Leo. Gemini autem et Libra et Aquarius propter triplicitatem aeream et Occidentalem, si debite inculpantur lapidibus, calidum temperant humorem, et praeparare dicuntur ferentes se ad amicitiam et justitiam et civilitatem bonam et legum diligentem observantiam et concordiam. Cancer autem, Scorpio et Pisces insculpti lapidibus propter triplicitatem aqueam et Septentrionalem temperant febres calidas et siccas, sicut est ethica, et causon, et hujusmodi. Inclinant autem secundum artem imaginum ad mendacium et injustitiam et inconstantiam et lubricitatem. Hujusmodi signum est, quod dicunt Scorpionem esse imaginem Mahometi, qui nunquam nisi mendacium docuit et injustitiam. Si autem scribuntur Taurus et Virgo vel Capricornus , isti propter triplicitatem terream et Meridionalem frigidi quoad effectum sunt et sicci : et ideo curari dicuntur ferentes se a synocha et infirmitatibus calidis, inclinant etiam ferentes se ad devotionem et religionem et ad opera rusticana, sicut ad agriculturam, et vinearum et hortorum plantationem. Est autem eadem res in consideratione imaginum caeli extra zodiacum descriptarum. Pegasus enim de luce inscriptus lapidi, bonus militantibus et pugnantibus in equis et bello campestri, et dicitur valore contra equorum infirmitates. Est autem figura Pegasi imago dimidii equi alati. Propter hujusmodi effectus vocatur fuit in arte imaginum Pegasus Bellorophon, quasi fons bellorum. Androinede autem est imago puellae ad unum latus conversae supra cellam sedentis et manus renitentis, et imago illa inscripta in gemmis conciliaritibus ex natura sua amorem, quae supra descriptae sunt, facit stabilem amorem inter virum et uxorem, ita etiam quod adulteros reconciliare dicitur. Cassiope est Virgo sedens in cathedra,habens manus erectas et canccllatas, et hujusmodi inscriptio in geminis somnum praestantibus et refocillantibus membra, dare dicitur quietem post laborem et debilia corpora roborare. Sorpentarii autem est a se virtus serpente, cujus caput tenet dextra manu, et caudam sinistra :, et haec imago inscripta lapidi qui venena fugat, valere contra venena praedicatur, et morsus venenatorum curare, sive portetur, sive rasura bibatur. Herculis autem astrum est vir genu flexo clavam in manu habens, et leonem interficiens, cujus pellem habens in manu alia. Si ergo imago Herculis sit inscripta lapidi ad victoriam pertinenti, et gestans habet in bello campestri, victoriosus fore dicebatur.In Coelo autem juxta polum arcticum duae ursae pinguntur, in quarum medio disponitur draco tor-

tuosus : et si hoc in lapide ad sapientiam et ingenium pertinente scriptum invenitur, juvabit astutiam et calliditatem et fortitudinem.

Saturni autem inscriptio,hoc est,viri senis falcem docurvam in manu habentis, et non hilaris neque ridentis, fusci paucos pilos in barba habentis, propter frigiditatem et siccitatem dicitur conferre potestatem crescentem et stabilem, praecipue si sit in lapide ejusdem virtutis : et scias quod haec citius confert ignobili quam nobili, quia Saturnus non amat nobiles secundum artem astrorum. Jupiter autem plurimas tam secundum Aristotelem quam secundum alios Philosophos habet figuras, de quarum numero sex sunt observatae, de quarum una sufficit hic dicere. Si enim scribatur homo cum. capite arietis, rugosos habens calcaneis, capillis multum sparsis et pectore subtili, Jovis est filia. Si ergo sic inveniatur inscriptus gemmae, quae confert gratiam hominum, faciet generosum et impetrantem ab hominibus quod volunt, et fortunatum, ut dicunt, praecipue in his rebus et honoribus, quae fide et religione quaeruntur. Si autem inscribatur in gemina sapientiam donante homo gracilis corporis, barbam habens pulchram et raram et parvam, et labia subtilia et nitida, et nasum subtilem, habens alas in pedibus, et in sinistra manu virgam in qua superius infixus sit serpens involutus : quae inscriptio frequentissime invenitur in lapidibus qui extracti sunt de templis antiquis idolorum, et praecipue in partibus Germaniae. Signum autem est hoc Mercurii scribentis, et conferre dicitur sapientiam, praecipuo in rhetoricis et mercatoribus, et praecipue in aliis. Idem autem est de signo Martis, quae est figura militis cum lancea, si sculpatur in lapide iracundiam et audaciam conferente, dicitur facere animosos et bellatores. De Venere autem brevi sermone nihil dici posset : cum de ea duo libri magni in magicis compositi sint, qui non tractant nisi de imaginibus ejus. De Sole etiam et Luna plurimae sunt diversitates, de quibus propter compendium transimus.

, Hydra autem videlicet draco super se habens urnam versus caput, et cornu aut caudam supra dorsum, lapidi divitias conferenti inscriptus, conferre dicitur divitias et sapientiam et resistentiam contra nocumenta. Centaurus autem inscriptus, hoc est, homo habens leporem in sinistra suspensum cum cultello, et in dextra baculum in quo est bestiola infixa suspensa cum lebete , dicitur conferre stabilem sanitatem : et propter hoc dicunt fabulae quod Centaurus magister fuit Achillis, eo quod hunc lapidem in manu ferebat. Similiter autem Ara inscripta ad modum capsulae claudentis sacra, dicitur dare amorem virginitatis et castitatis. Caecus etiam inscriptus invenitur habens cristatum serpentem in dorso et tubam magnam, dicitur conferre felicitatem in terra et in mari et prudentiam et arnabilitatem et ablata restituere. Navis autem inscripta cum velo alto et extenso, fertur dare securitatem in negotiatione et quibusdam aliis. Lippus autem inscriptus, contra versutias et verba insaniae valere perhibetur. Orion autem habens in manu falcem vel ensem inscriptus gemmae ejusdem virtutis, conferre dicitur victoriam . Aquila autem cum sagitta ante caput suum inscripta, conservare veteres et novos honores acquirere perhibetur. Similiter autem Aquarii signum liberare a quartana dicitur. Fer scus autem in dextra habens ensem et in sinistra caput Gorgonis, liberare dicitu a fulgure et tempestate et ab invidorum incursu. Cervus autem cum venatore et canibus inscriptus, salvare dicitur phreneticos et maniacos. Venus autem cum magna veste laurum tenens in manu inscripta, conferre dicitur pulchritudinem: et ornatum. Similiter autem de multis hic introducere possemus, sed non oportet, quia de his alia scientia : et non possunt haec ex principiis physicis probari. : sed. oportet ad hoc scire astronomiam et

magicam et necromanticas scientias, de quibus in aliis considerandum est.