Congregatio de Causis Sanctorum 887

CARACENSIS

Beatificationis et canonizationis Ven. Servae Dei Candelariae a Sancto Ioseph (in

saec.: Susannae Paz Castillo Ramı́rez), Fundatricis Congregationis Sororum Car-

melitarum Tertii Ordinis Regularis in Venetiola (1863-1940)

DECRETUM SUPER MIRACULO

Venerabilis Serva Dei Candelaria a Sancto Ioseph (in saeculo: Susanna

Paz Castillo Ramı́rez) in Altagracia de Orituco, tunc in Archidioecesi Cara-

censi, in Venetiola, nunc in Dioecesi Vallispaschalensi, die 11 mensis Augusti

anno 1863 est orta. Deo se consecravit apud Institutum Sororum Pauperum

et Aegrotorum. Carmelitanam deinde secuta est spiritualitatem atque Con-

gregationem condidit Sororum Carmelitarum Tertii Ordinis Regularis in Ve-

netiola, quam cum deditione et prudentia est moderata. Sanctitatis fama

circumdata, obiit die 31 mensis Ianuarii anno 1940.

Summus Pontifex Ioannes Paulus II die 19 mensis Aprilis anno 2004

declaravit Servam Dei virtutes theologales, cardinales iisque adnexas heroi-

cum in modum exercuisse.

Postulatio Causae, Servae Dei prospiciens beatificationi, examini huius

Congregationis de Causis Sanctorum coniectam miram subiecit sanationem

puellulae Milagros del Valle Candelaria Bermúdez eius ipso in ortu. Mater

eius, domina videlicet Raphaela Meza de Bermúdez, sua in quinta gravidi-

tate, in fine mensis Ianuarii anno 1995 inita, hypertensione arteriarum pati

coepit, quae curis medicis obsistebat. Prima in valetudinarium exceptio ac-

cidit mense Iulio eiusdem anni per anaemiam, urinalem infectionem et levem

prae-eclampsiam, quae sequenti mense in deterius ruit ita ut aegrota die 31

mensis Augusti iterum in valetudinarium exciperetur, quia diffusa compa-

ruerunt oedemata et gravis cephalaea. Medicae curationes in irritum sunt

redactae. Echographia die 5 mensis Septembris facta ostendit palpitationem

cordis fetus. Sequenti die alia echographia fetus absentiam motuum, palpi-

tationis cordis atque motuum spirandi revelavit. Huiusmodi factis perpensis,

diagnosis haud dubie edita est mortis intrauterinae fetus, quam ob rem de-

cretum est ut ad inductionem partus procederetur. Eodem tempore ipsa

domina Raphaela, quidam eius familiares atque Sorores Carmelitae Tertii

Ordinis Regularis invocare coeperunt divinum auxilium intercedente Serva

Dei Candelaria a Sancto Ioseph. Partus vesperi evenit die 6 mensis Septem-

bris et, praeter omnem medicam praevisionem, viva vitalisque nata est puel-