Acta Apostolicae Sedis - Commentarium Officiale888

lula Milagros del Valle Candelaria Bermúdez, sed quibusdam cum pathologiis

ex immaturitate exortis, quae postea celeriter sunt detractae.

Deinceps detegi potuit puellulam bona gaudere valetudinis condicione ac

normali psychica et physica progressione, atque nullum superesse residuum

eventus qui ante partum, 29a videlicet hebdomada gestationis, acciderat.

De hoc casu, miro statim considerato, incohata est anno 1998 apud Cu-

riam Caracensem Inquisitio dioecesana, cuius iuridica validitas ab hac Con-

gregatione per decretum diei 25 mensis Februarii anno 2000 est approbata.

Consilium Medicorum huius Dicasterii in sessione die 24 mensis Novembris

anno 2005 habita agnovit instaurationem vitalium actionum fetus post phar-

macologicam inductionem partus praematuri in 29a hebdomada gestationis

praevideri non potuisse et, hanc ob rem, eventum resuscitationis fetus ex

scientiae legibus inexplicabilem fuisse. Die 31 mensis Maii anni 2006 Congres-

sus habitus est Peculiaris Consultorum Theologorum et die 6 mensis Martii

huius anni 2007 Ordinaria Sessio facta est Patrum Cardinalium et Episcopo-

rum, Causae Ponente Exc.mo Domino Laurentio Chiarinelli, Episcopo Viter-

biensi. Et in utroque Coetu, sive Consultorum sive Cardinalium et Episcopo-

rum, posito dubio an de miraculo divinitus patrato constaret, responsum

affirmativum prolatum est.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servae Dei Candelariae a Sancto Ioseph (in saec.: Susannae Paz Castillo Ra-

mı́rez), Fundatricis Congregationis Sororum Carmelitarum Tertii Ordinis Re-

gularis in Venetiola, videlicet de eventu resuscitationis a «morte endouterina del

feto (a 29 settimane di gestazione) ecograficamente accertata con esame prolun-

gato per 30 minuti e con idonea strumentazione, evidenziando l'assenza dei

movimenti fetali e del battito cardiaco fetale, in paziente affetta da ipertensione

cronica e sovrapposta grave gestosi ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis