Congregatio de Causis Sanctorum 889

VINDOBONENSIS

Beatificationis et canonizationis Servae Dei Hildegardis Burjan, Matrisfamilias,

Fundatricis Societatis Sororum a Caritate Sociali (1883-1933)

DECRETUM SUPER VIRTUTIBUS

« Optata quippe salus expectanda praecipue est ex magna effusione cari-

tatis: christianae caritatis intelligimus, quae totius Evangelii compendiaria

lex est, quaeque semetipsam pro aliorum commodis semper devovere parata,

contra saeculi insolentiam atque immoderatum amorem sui certissima est

nomini antidotus... ».1

Summus Pontifex Leo XIII catholicos stimulavit ut caritatis virtutem ad

socialem operam, Christi lumine collustratam, adducerent. Inter christifide-

les qui hanc adhortationem acceperunt recensere liceat Servam Dei Hildegar-

dam Burjan, quae complura caritatis et rei politicae incepta promovit in

utilitatem operariorum, iuvenum mulierum in discrimine versantium et pau-

perum. Ad operam suam et solidandam et continuandam femininum condidit

Institutum appellatum « Societas Sororum a Caritate Sociali ».

Haec Dei Serva, quae nomen Hildegardis Leae Freund a parentibus ac-

cepit, Gorlitii in Silesia Borussica ortum habuit die 30 mensis Ianuarii anno

1883 e familia terrenis opibus praedita et hebraeo genere oriunda. Berolini

lyceum femininum frequentavit, deinde in Helvetia studia perrexit. Maturi-

tatis diplomate honestata, nomen dedit Studiorum Universitati, prius Turici,

postea Berolini. Anno 1907 viro cuidam, studenti Hungaro ex stirpe hebraea,

nomine Alexandro Burjan nupsit. Serva Dei gravi morbo renali affecta, in

valetudinarium Berolinense, a Sororibus Borromaeis administratum, est ex-

cepta. Sanatione quasi ex coniecto miraculo obtenta, ad catholicam fidem se

convertit et die 26 mensis Aprilis anno 1909 baptismatis sacramento est

insignita. Vindobonam translata, gravidata est; tunc inducta est ad gravidi-

tatem interrumpendam, cui rei vehementer obstitit, promptam se declarans

ad mortem subeundam potius quam ad vitam quam in utero gestabat adi-

mendam. Ita enim die 27 mensis Augusti anno 1910 filia nata est, quae

baptismali lavacro est abluta, nomine indito Elisabeth. Aliquot ante diebus

maritus eius baptismum quoque receperat.

Serva Dei, dum propria uxoris et matris munera exsequebatur, in opera

rei socialis et caritatis magis magisque incumbere coepit. Anno 1912 Asso-

ciationem condidit christianarum mulierum operantium apud domicilia,

1 Leo XIII, Litt. Enc. Rerum Novarum: Acta Leonis XIII, 11, 1892, 143.