584 Acta Apostolicæ Sedis - Commentarium Officiale

atque assidua cum benignitate vixit et cuius eloquentissima insignia visi-

tae pastorales fuerunt, quas omnem per dioecesim etiam magnis experitis

aerumnis ipse peregit. Prudentia revera in dioecesi moderanda paternaque

cura proximi et firmitas indolis mansuetudine et humilitate lenita tamquam

tesserae fuerunt spiritualis, ut dicatur, naturae eius musivi, quod extemplo

non modo christifideles, sed infideles immo animadvertebant. Peculiarem

demum sollicitudinem sacerdotibus, quibus perlonga temporis spatia sepo-

suit, necnon pauperrimis egenisque curandis servavit.

Acriori gradatim articulorum morbo correptus est, quod eum adeo ve-

xavit, ut magnam partem diei assessus consistere astringeretur, etiam dum

eucharisticae celebrationi attendebat. Ultimum tempus vitae exacerbata va-

letudine eminuit, quam vero patientiae et oblationis spiritu tulit. Die 29

mensis Augusti anno 1962 pie in Domino quievit.

Hanc ob sanctitatis famam, quae iam eo vivente summopere floruit et

valde post mortem apud populum crebruit, Causa Beatificationis et Cano-

nizationis apud Curiam Episcopalem Aegitaniensem inita est per celebratio-

nem Inquisitionis dioecesanae a die 30 mensis Ianuarii anno 1994 ad diem

3 mensis Maii anno 1998 habitae, quam tres secutae sunt Inquisitiones

Rogatoriales apud Curias Lisbonensem, Conimbricensem et Visensem, qua-

rum auctoritas et vis iuridica a Congregatione de Causis Sanctorum die 13

mensis Novembris anno 1998 probatae sunt. Positione confecta, die 6 mensis

Novembris anno 2012, in Congressu Peculiari Consultorum Theologorum

prospero cum exitu disceptatum est, iuxta consuetudinem, an Servus Dei

more heroum virtutes christianas exercuisset. Patres Cardinales et Episcopi

in Sessione Ordinaria diei 7 mensis Maii anno 2013, cui egomet ipse Angelus

Cardinalis Amato praefui, professi sunt Servum Dei virtutes theologales,

cardinales iisque adnexas in modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Ioannis

de Oliveira Matos Ferreira, Episcopi titularis Aureliopolitani in Lydia et

Auxiliaris Aegitaniensis, in casu et ad effectum de quo agitur.