Congregatio de Causis Sanctorum 585

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 3 mensis Iunii a.D. 2013.

ANGELUS CARD. AMATO, S.D.B. Praefectus

L. G S.

G MARCELLUS BARTOLUCCI Archiep. tit. Mevaniensis, a Secretis

MATRITENSIS

Beatificationis seu Declarationis Martyrii Servarum Dei Aureliae (in saeculo: Clementinae Arambarri Fuente) et III Sociarum Sororum Professarum Servarum Mariae Ministrantium Infirmis († 1936)

DECRETUM SUPER MARTYRIO

« Quis nos separabit a caritate Christi? Tribulatio an angustia an per-

secutio an fames an nuditas an periculum an gladius? Sed in his omnibus

supervincimus per eum, qui dilexit nos » ( Rom 8, 35. 37).

Hac locutione Pauli Apostoli luculenter patet modus vivendi harum quat-

tuor martyrum Hispaniae, quae persecutionem passae sunt et interemptae

propter testimonium firmiter ac suaviter fidelitatis erga Christum eiusque

Ecclesiam praestitum.

Servae Mariae, Administrae Infirmorum, inde ab anno 1911 Matriti in

pago Pozuelo de Alarcón domum possidebant, destinatam excipiendis ae-

grotis et senioribus sororibus, de quibus idoneae personae curam adhibe-

bant ad sedulam et gratuitam assistentiam offerendam infirmis illius loci,

praesertim in eorum domiciliis. Hoc quidem implentes ministerium sorores

accedere poterant ad egentiores familias loci, incolarum aestimationem ac

venerationem sibi comparantes.

Pax tamen illic vigens protinus turbata est ob politicam et socialem

acerbitatem, qua annis 1930 et sequentibus Hispania eminuit sub instigatione

anarchicae et marxistae doctrinae, quae in veram degeneravit persecutio-