Acta Apostolicae Sedis - Commentarium Officiale892

1886 natus est ex Emmanuele Namuncurá, e nativorum indorum Aracaunen-

sium stirpe oriundo, et Rosaria Burgos. Baptismum recepit anno 1888. Apud

scholam quam presbyteri Societatis Sancti Francisci Salesii regebant, viam

sanctitatis cito concurrit et, dum alumnus erat Collegii Salesianorum Bonae-

rensis, primam recepit Communionem et post annum Confı̈rmationem. Cum

infirma valetudine afficeretur, translatus est in Collegium Salesianorum

Viedmense. Anno 1904, in Italiam ductus est, ut studia prosequeretur. Benig-

nitate animi, modestia morum, simplicitate cordis et fervore religionis emi-

cuit. Phthisi pulmonum consumptus, Romae die 11 mensis Maii anno 1905

pie in Domino quievit.

Summus Pontifex Paulus VI, die 22 mensis Iunii anno 1972, Servum Dei

virtutes theologales, cardinales et his adnexas heroico gradu coluisse decrevit.

Beatificationis respectu, Causae Postulatio iudicio huius Congregationis

de Causis Sanctorum nuper assertam subiecit miram sanationem dominae

Valeriae Reginae Herrera, quae apud nosocomium Cordubae in Argentina

die 16 mensis Novembris anno 1999 clinicam perscrutationem cum percep-

tione segminis endometrii subiit, quae carcinoma cutis organum ipsum inte-

gentis, tumorem scilicet maxime malignum, saevum ac perniciter mortalem,

exhibuit. Recognita etiam sunt in vulva vulnera quattuor, quae tantundem

mutationibus tumoris respondebant.

Gravitate infı̈rmitatis percepta, domina Valeria una cum familiaribus suis

ad divinum auxilium per intercessionem Servi Dei Zephyrini Namuncurá

confugere incepit et, antequam vero omnibus curis pro tumore confligendo

committeretur, aegrota novis clinicis investigationibus subiecta est, quae

recessum vulnerum nodularium vulvae et sanguinis praestantiae recuperatio-

nis signa ostenderunt.

Cum tanta repentina, spontanea et completa sanatio tumoris utpote mi-

rus eventus haberetur, anno 2005 apud Curiam Archidioecesis Cordubensis in

Argentina Inquisitio dioecesana celebrata est, cuius auctoritas et vis iuridica

a Congregatione de Causis Sanctorum decreto diei 5 mensis Maii anno 2006

probatae sunt. Dicasterii Collegium Medicorum in sessione diei 11 mensis

Decembris eiusdem anni sanationem improvisam, completam, duraturam,

cum restitutione ad integrum et inexplicabilem secundum scientiam medicam

fuisse affirmavit. Die 20 mensis Februarii huius anni 2007 Congressus Pecu-

liaris Consultorum Theologorum factus est et die 15 insequentis mensis Maii

Sessio Ordinaria Patrum Cardinalium et Episcoporum, Ponente Causae Exc.-

mo Domino Andrea Maria Erba, Episcopo emerito Veliterno-Signino. Et in

utroque Coetu, sive Consultorum sive Cardinalium et Episcoporum, posito

dubio an de miraculo divinitus patrato constaret, responsum affı̂rmativum

prolatum est.