586 Acta Apostolicæ Sedis - Commentarium Officiale

nem adversus Ecclesiam, praesertim sub militiis rubris quae atrocibus suis

actionibus inter episcopos, sacerdotes, sacrorum alumnos, viros mulieresque

consecratos et laicos innumeras attulerunt victimas. Simultas haec adversus

religionem ansam dedit ad diversas factiones politicas ac syndicales insti-

tuendas, extremistae indolis, quae sine mora sedem constituerunt in pago

Pozuelo, ab urbe Matrito paucis chilometris. Etsi inde ab anno 1931 quaedam

persecutionis aura iam instabat, sorores, ullo absque timore, assistentiam

infirmis praebere perrexerunt, comitatus popularis monita posthabentes.

Anno 1936 status rerum gravior in dies prospiciebatur. Die 19 mensis

Iulii sorores postremum accesserunt ad Sacramentum Reconciliationis co-

ram confessario Patre Vincentio Blanco, ex Missionariis Oblatis, quem non

amplius viderunt quandoquidem milites illo ipso die irruerunt in conven-

tum, dum Pater Vincentius ad martyrium proficiscebatur. Die 12 mensis

Augusti templum populi profanatum est et imagines igni sunt deletae. Die

19 eiusdem mensis milites convenerunt ante conventum Servarum Mariae,

prohibentes eas a quolibet actu cultus et iisdem praecipientes ut religioso

habitu se exuerent. Quae post dies viginti conventu sunt expoliatae, idcirco

constrictae sunt ad sedem in domo quadam ponendam, ubi crebras inspec-

tiones pati tenebantur. Die 21 mensis Novembris, praevidentes pyrobolo-

rum iactum, milites praepropere in domum irruerunt ubi Servae Mariae

morabantur, ad exsequendum praeceptum eas Matritum, Barcinonem et

Valentiam transvehendi.

Ad dispersionem coactae omni communicatione sunt privatae, namque

die 30 mensis Novembris incepta est deiectio pyrobolorum, et perempto-

rio de mandato, ex populo constrictae sunt exire. Familia quaedam domi

excepit Matrem Aureliam et Sororem Auroram, propter earum incapaci-

tatem fugiendi; quas, assistentiae causa, Sorores Daria et Augustina sunt

comitatae. Ex aliquot inspectionibus domi peractis, die 1 mensis Decem-

bris Soror Augustina, quae se sociaverat cum aliis octo personis ex pago

Pozuelo fugientibus, depulsa est et missa in locum Las Rozas. Accusata

est de sua condicione religiosa ac de recitatione Rosarii, quibus de causis

martyrio coronari meruit, cui occubuit die 5 mensis Decembris. Sequenti die

adstiterunt illic milites, parvum autocinetum gubernantes, quo praefatae

personae uti comprehensae translatae sunt ad finitimum populum vulgo

Aravaca. Dum Mater Aurelia ex autocineto descendebat, a quodam milite