Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven. Servi

Dei Zephyrini Namuncurá, Christifidelis laici, Alumni Societatis Sancti Fran-

cisci Salesii, videlicet de improvisa, completa ac duratura sanatione dominae

Valeriae Reginae Herrera a « coriocarcinoma associato a metastasi, tumore mali-

gno del trofoblasto ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 6 mensis Iulii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

Archiep. tit. Biccarensis a Secretis

VITERBIENSIS

Beatificationis et canonizationis Servi Dei Marci Antonii Barbarigo Cardinalis

S.R.E. Episcopi Faliscodunensis et Cornetani, Fundatoris Institutorum Magistra-

rum Piarum et Sororum Divini Amoris (1640-1706)

DECRETUM SUPER VIRTUTIBUS

« Episcopatus perfectionis status est, quapropter egomet, magis quam

ceteri fideles meae dioecesis, pro viribus imitari teneor sanctitatem et per-

fectionem Iesu Christi, veri exempli Episcoporum, et Dei praesentiae assue-

scere ».

Cardinalis Marcus Antonius Barbarigo in « Regula vivendi », intuitu epis-

copalis ordinationis scripta, bisce verbis significare voluit propositum suum

ad sanctitatis perfectionem tendendi. Sese insuper committebat Dei dilectio-

ni haec asserens: « Decerno me tantummodo in ulnas divinae Providentiae

commendare, quo citius et ad amussim omnia exsequar quae numquam no-

visse potero et credere esse Dei voluntatem, ad rem omnia deducens quae ipse

Dominus mihi inspiraverit. Episcopus mentem convertere debet in Iesum

Congregatio de Causis Sanctorum 893