Congregatio de Causis Sanctorum 587

detecta est portans coronam Rosarii absconditam, qui hac de re eam reli-

giosam esse deduxit. Soror Daria, trium sororum nomine, firmiter respondit:

« De nobis quidquid vultis facite; vos tamen adprecor ut in hanc familiam

nihil damni inferatis ». Propter hanc confessionem vexationes subierunt et

torturas, quae sequentibus horis, nempe noctu inter dies 6 et 7 mensis

Decembris anno 1936, martyrio sunt consummatae.

Hae sunt quattuor Servae Dei de quibus brevis exhibetur biographia:

Serva Dei Aurelia (in saec.: Clementina Arambarri Fuente) Victoriae,

in Alava Hispaniae, nata est die 23 mensis Octobris anno 1866; eodem die

Baptismi sacramentum recepit. Viginti aetatis annos ingressa est Congre-

gationem Servarum Mariae, ubi religiosa veste induta est ab ipsa Funda-

trice Sancta Maria Soledad, die 14 mensis Novembris 1886. Perpetua vota

nuncupavit die 18 mensis Decembris anno 1894. Apud valetudinarium de

Monserrate, operam dedit infirmis curandis. In Mexicum missa, moderatrix

nominata est domus oppidi Guanajuato, ac deinde, idem munus exercens,

transiit in urbes Durango et Puebla; hic enim stupore est affecta ob Mexi-

canam rerum eversionem. In Hispaniam redux, mense Augusto anno 1916

moderatrix nominata est domus in urbe Mataró, ac deinde in urbibus Alcoy,

Sarriá et Barbastro. Anno 1929 Matritum se contulit tamquam Consiliaria

Provincialis et moderatrix domus pagi Pozuelo de Alarcón. Sive plenam vitae

suae activitatem gerens, sive postea progressivam paralysim perferens, iuxta

sequentem sententiam vitam usque gessit: « Dei sumus, qui minime sinit ut

aliquid mali nobis contingat. Quod Deus vult adimpleatur! ». Prae adiunctis

quae oppetere debuit, serenam se praebuit, semper Domino confidens.

Serva Dei Aurora (in saec.: Iusta López González) ortum habuit die 28

mensis Maii anno 1850, Matriti in Hispania, in urbe San Lorenzo de El

Escorial. Tribus post diebus lavacro baptismali et gratia abluta est. Die

20 mensis Martii anno 1874 se ascripsit Congregationi Servarum Mariae.

Temporariam professionem emisit et anno 1885 nominata est moderatrix

domus loci Arévalo. Matritum regressa est anno 1893 et illic, die 2 mensis

Iulii anno 1897, perpetuam professionem emisit. Commorata est El Escorial

in urbe, Salmantica, Compluto, Cabeza del Buey, Gienno, Civitate Regia ac

denique in pago Pozuelo de Alarcón. Arduis adiunctis instantibus, Soror Au-

rora velut docilis puella omnibus circumstantiis se accommodavit, quamvis,

religioso habitu exuta, lacrimas continere nequiverit.