Acta Apostolicae Sedis - Commentarium Officiale188

CONGREGATIO DE CAUSIS SANCTORUM

ILLERDENSIS

Beatificationis seu Declarationis Martyrii Servorum Dei Mariani Alcalá Pérez

et XVIII Sociorum, ex Ordine B.M.V. de Mercede Redemptionis Captivorum

({ 1936-1937)

DECRETUM SUPER MARTYRIO

« Gratias agere debemus Deo semper pro vobis, fratres, sicut dignum est,

quoniam supercrescit fides vestra, et abundat caritas uniuscuiusque omnium

vestrum in invicem, ita ut et nos ipsi in vobis gloriemur in ecclesiis Dei pro

patientia vestra et fide in omnibus persecutionibus vestris et tribulationibus,

quas sustinetis, indicium iusti iudicii Dei, ut digni habeamini regno Dei, pro

quo et patinimi » (2 Thes 1, 3-5).

Haec Pauli Apostoli hortatio vitam mortemque collustrare potest Servo-

rum Dei Mariani Alcalá Pérez et duodeviginti Sociorum ex Ordine Beatae

Mariae Virginis de Mercede. Servi Dei qui, saeviente religiosa Hispanica

insectatione annis 1936-1937, propter amorem erga Christum pericula subie-

runt, tormenta et iniustam damnationem usque ad sanguinis effusionem,

contemptis difficultatibus fidelitatem per vitam et per mortem testificati

sunt erga Christum eiusque Ecclesiam. In hoc cruento religiosae persecutionis

ambitu morti obviaverunt Pater Marianus eiusque Socii, sodales Ordinis

Beatae Mariae Virginis de Mercede Redemptionis Captivorum, ex Provincia

Aragoniensi in Hispania.

Servus Dei Marianus Alcalà Pérez, Sacerdos, qui praeest huic martyrum

agmini, Andorrae, ex Provincia Terulensi et archidioecesi Caesaraugustana,

natus est die 11 mensis Maii anno 1867. Religiosam emisit professionem in

conventu loci El Olivar. Romae sacro presbyteratus ordine auctus est apud

Basilicam Sancti Ioannis in Laterano anno 1889. Altiora peregit studia theo-

logiae apud Gregorianam Universitatem in Urbe. Anno 1903 factus est Ma-

gister Provincialis Provinciae Aragoniensis in Hispania; anno 1911 ad munus