588 Acta Apostolicæ Sedis - Commentarium Officiale

Serva Dei Daria (in saec.: Engratia Andariena Sagaseta) in loco Dona-

maría, in Navarra, die 5 mensis Aprilis anno 1879 in vitam venit; sequenti

die baptismali fonte renata est apud paroeciam Dominae Nostrae ab As-

sumptione. Viginti tres annos nata Congregationi nomen dedit. Perpetua

professione Deo se devovit die 5 mensis Maii anno 1913. Summo studio ac

deditione exsecuta est officia propria Congregationis, assistens infirmis in

eorum domiciliis. Verba eius et opera omnibus ingenti fuerunt stimulo, quae

conferebant in utilitatem infirmorum eorumque familiarum. Primum desti-

nata est in urbes Caesaraugustam et Civitatem Regiam. Deinde Matritum

rediit ubi munus exercuit subveniendi Matri Magistrae Novitiarum, ad quam

iuvenes convertere se poterant, potius eius vita quam verbis perductae.

Serva Dei Augustina (in saec.: Annuntiatio Peña Rodríguez) orta est

die 23 mensis Martii anno 1900 in oppido Ruanales, ex Cantabria; die 25

eiusdem mensis baptismatis lavacro abluta est. Die 14 mensis Decembris

anno 1924 cooptata est in Congregationem. Missa in domum loci Pozuelo

de Alarcón, domestica exercuit officia ac de sororibus infirmis curam adhi-

buit. Die 5 mensis Iulii anno 1933 perpetuis votis se consecravit. Religioso

habitu exui coacta, dixit se quam primum eum iterum sumpturam ac, si

interempta fuerit, eundem in caelo semper sibi servaturam.

Increscente earum martyrii fama, apud Curiam archidioecesis Matri-

tensis Processus dioecesanus instructus est a die 28 mensis Octobris anno

2000 ad diem 21 mensis Aprilis anno 2001; cuius auctoritatem iuridicam

Congregatio de Causis Sanctorum per Decretum approbavit die 1 mensis

Februarii anno 2002. Apparata Positione, disceptatum est, iuxta consuetum

procedendi modum, num hae Servae Dei martyrium subiissent. Die 2 mensis

Februarii anno 2013 peractus est positivo cum exitu Congressus Peculiaris

Consultorum Theologorum. Patres Cardinales et Episcopi, congregati die

21 mensis Maii anno 2013 in Sessione Ordinaria, cui egomet Angelus Card.

Amato praefui, edixerunt mortem Servarum Dei, quas memoravimus, verum

fuisse martyrium, ob amorem erga Christum et Ecclesiam consummatum.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servarum Dei Aureliae Arambarri Fuente et trium