Congregatio de Causis Sanctorum 895

Beatus Innocentius XI post unius anni spatium excepit eum, et in Consis-

torio habito die 2 mensis Septembris anno 1686 Cardinalem constituit eum,

titulo addito Sanctae Susannae. Anno 1687 renuntiavit eum Episcopum Ec-

clesiarum Faliscodunensis et Cornetanae, in praesens Tarquiniensis.

His in duabus dioecesibus Cardinalis fervens pastor se gessit, plenam

promovens renovationem ecclesialem iuxta placita Concilii Tridentini. Dioe-

cesanam vitam innovavit per sollers opus evangelizationis humanaeque pro-

gressionis. Semper stabilem residentiam fideliter servavit, prout ipsum pas-

toribus animarum praescribebat Concilium. Ille enim haec scripserat: « O

miseranda anima illius Episcopi qui in propria Sede continuo non moratur

nec permanet, nec ibidem stabiliter residet, sed appetit et cupit altiorem

gradum dignitatis tenere! Heu! quam itaque infortunati erunt quoque eius

subditi! ».

Sollicite curavit theologicam et pastoralem presbyterorum institutionem,

et in Monte Faliscorum condidit amplum Seminarium, quo expertos arcessit

theologiae Magistros. Huic magisterio accedebat quoque magisterium huma-

niorum litterarum. Coaetaneis eius admirationis fuit Seminarium, quo immo

ipsi Summi Pontifices ex urbe Roma illuc alumnos miserunt. Ibidem biblio-

thecam et officinam typographicam institui voluit in qua prelo mandabantur

scriptiones, non tantum Latina, verum etiam Graeca et orientalibus linguis

confectae.

Gregem sibi creditum bene noverat, quandoquidem quotannis omnes vi-

cos Dioecesium invisebat, vitam liturgicam et caritatis opera provehendo.

Vitam ecclesialem nova ratione ordinavit, instruens trium Synodorum cele-

brationem. Quatenus fidei Magister, ipsemet christifideles per praedicatio-

nem et scripta pastoralia illuminavit, quae inter recensetur epistula de ma-

trimonio anno 1705 exarata. Ad meliorem formam redegit infirmorum

servitium in valetudinariis et Montis Faliscorum et Cornetano, ubi propriis

sumptibus fundamenta iecit valetudinarii mulieribus destinati. Et ad paupe-

ribus subveniendum aperuit mensam frumentariam et domum pigneraticiam.

Antesignanus exstitit quoad mulierum educationem. Anno 1692 pro puel-

lis et iuvenibus mulieribus instituit Scholam Doctrinae Christianae. Primam

habuit cooperatricem Sanctam Rosam Venerini; postea simul cum Sancta

Lucia Filippini Institutum condidit Magistrarum Piarum.

Scholae fastigium sollicitudinis Servi Dei erga mulieres constituerunt.

Primae illae scholae, ope apostolatus Sanctae Luciae Filippini, usque ad

urbem Romam et per totum terrarum orbem sunt propagatae. Hasce per

scholas Cardinalis Marcus Antonius Barbarigo verae et propriae conversioni

sociali prospexit, et nova spatia mulieris participationi patere valuit in Ec-